用藏頭詩咒警 露出失德尾巴?
用藏頭詩咒警 露出失德尾巴?

「邊個話,份契約第一行頭頭四個字,唔該你打橫睇睇」、「無錯,我為秋香,我一早已經表明來意,只係你地未夠班睇唔出啫」,一段周星馳式電影嘅橋段,俾反政府人士「巧妙」地運用喺現實生活中,不過可惜嘅地方在於,有人用所謂「藏頭詩」,係攞嚟辱警、咒警,仲要係詛咒警察「死全家」!今次辱警、咒警嘅主角,又係教師,而且仲係要中學副校長,佢就係孔聖堂中學署理副校長何栢欣。其實有咁多單教師涉嫌違法、有違專業操守嘅教師投訴在先,教師們一定好清楚知道發表仇恨言論,一定有後果,今次何栢欣竟然仲敢公開詛咒警察,唔係唔駛炒呀?


用藏頭詩咒警「死全家」


可能因為之前已經有唔少教師失德嘅投訴,嚴重嘅甚至好似賴得鐘同戴健暉咁,收教育局譴責信,所以啲反政府、反警察嘅「黃絲教師」都小心咗;今次辱警、咒警主角何栢欣,廣男唔知佢係咪覺得自己好有「創意同文采」,定係真係「無心轉發」,就用藏頭詩嘅方式詛咒警察,一段內文嘅每一句頭一個字夾埋,就係「黑警死全家 一個都不能少」。以為用藏頭詩詛咒警察就無事?咁樣實在太天真喇,一來擺得喺社交平台,一定會揚到出去;二來校方見到有人辱警、咒警,根本唔可能唔做嘢,所以何栢欣亦已經被校方停止副校長職務,直至校董會成立嘅專責調查小組完成報告。


對於又有教師辱警,廣男覺得最重要嘅問題在於,如果一個教師咁冷血涼薄、無同理心,呢啲人邊有資格做教師呢?學校、教師就係要教學生做人,包括要做正直、唔好立壞心腸嘅人,如果教師自己其身不正,想佢哋教好學生都難。所以,如果有教師係咁黑心,學校以至教育界,真係要考慮清楚呢啲人係咪適合做教師。


早有先例可循 罪加一等


其實截至舊年年底,涉及教師嘅投訴已經有百幾單,有賴得鐘、戴健暉嘅Case在前,何栢欣無可能唔知道辱警、咒警係失德行為,亦無可能唔知道後果嚴重;既然佢喺呢個時候仲選擇「以身試法」,不論佢係有心定係無意,廣男覺得佢絕對係「罪加一等」,教育局唔單止要查佢係咪失德,更要以「明知故犯」、「帶壞風氣」嘅方向徹查,唔可以輕輕放過呢啲失德教師。


喺廣男執筆嘅時候,見到教協有聲明回應事件,稱「據了解,何老師在其社交平台所發布的帖文,並非他原創。他在轉貼時,只是贊同字面表達的意思⋯並無留意當中另有含意」,即係想講何栢欣唔知篇嘢有藏頭詩,更唔知當中有辱警成分。大家相唔相信教協?相唔相信何栢欣?一個教師做到副校長,竟然咁「無知」,廣男對於呢種辯解,就相當有保留喇! 


圖片來源:大公報


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

 

34
嬲爆
4
超無奈
3
無意見

評論

  • 馮健新
    馮健新
    1年前
    0 回應
    离地,离地!不吃人間煙花的副校长,這是什么世代了,还玩的床头詩。寫得這麽的爛还好意思去发表,招麻烦还招祸...,好彩已经是千禧年呀!最多是丢份工,若在古時,头头也会丢掉的!

    沒有更多評論

    沒有更多評論