可「減少進食」 不用戒掉的「毒品」?
可「減少進食」 不用戒掉的「毒品」?

大家睇電視、報紙廣告,之前都見個一個禁毒廣告話毒品呢家嘢「不可一,不可再」,即係唔好話長期吸食毒品,就算只係食一次都唔得,當中道理大家都好明白。不過,有啲政客似乎就唔係好明咩係毒品,甚至認為乜嘢都可以用毒品嚟「類比」,好似南區區議會主席羅健熙咁,之前就話「大陸自由行旅客是鴉片」,到噚日就話唔係完全唔要內地旅客,係要「限制」數量啫。囍雨實在唔明白,如果內地旅客係「鴉片」,點解唔係完全「戒掉」,而係減少「進食」呢?


區會主席的不倫類比


身為區議員,甚至貴為區議會主席,一言一行都應該好小心;偏偏羅健熙就用「鴉片」嚟比喻內地旅客。囍雨想講,羅健熙嘅類比真係不倫不類,如果內地客係「毒品」,就應該完全戒除啦,會唔會話一個「吸毒嘅人」,唔駛佢戒毒,但可以俾佢一個月吸八次、十二次毒呢?而如果佢知道香港以至南區仲需要內地旅客,咁內地旅客就唔會係「毒品」啦!


至於羅健熙要「減少」內地旅客嘅提議,囍雨就想問下,佢所謂減少人數,實際方案係點?話限制內地客來港次數,實際想限制到幾多次,當中有咩數字、理據?上限係幾多人?有冇話內地咩地方嘅人要嚟少啲?行政措施點處做?減少內地旅旅客嘅話,點樣吸引多啲其他地方嘅旅客?如果香港甚至南區因旅客減少而經濟一蹶不振,羅建熙唔好只係批評、指摘,不如提出建議對策。


想「殺死」海洋公園?


香港人都知道,海洋公園係屹立喺香港幾十年嘅地標,亦係南區最著名嘅旅遊地點、設施,羅健熙建議減少內地旅客來港,如果建議落實,海洋公園就更難生存,大家真係可以問下羅健熙,佢當選做南區區議會主席,係咪上任第一件事,就係想「殺死」海洋公園?橫睇掂睇,羅健熙似係想拖死香港以至南區經濟多啲喎!


老實講,唔少反政府人士、政客只係識嘩眾取寵、語不驚人誓不休,最後因為「五大訴求」被選民用選票送入議會,不過懂得「打江山」(實則係炒作政治),未必識得「治天下」,諸如羅健熙呢啲靠黑暴上位嘅政客,用說話、行動話俾香港市民聽,做好社區規劃、為居民謀福祉?「佢哋真係唔識㗎喎!」 


圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

9
嬲爆
1
超無奈
1
無意見

評論