又話查「警暴」 又要阻調查?
又話查「警暴」 又要阻調查?

沉寂咗一段時間嘅「尖沙咀爆眼少女」事件,近日再起波瀾。當事人「K」小姐早前就警方以法庭手令向醫管局取得醫療報告,入禀高院提請司法覆核,稱警方侵犯其私隱且違法,法官噚日(17/12)裁定「K」小姐敗訴。其實囍雨睇成件事,最強烈嘅感覺就係呢位「K」由頭到尾搞咁多嘢,目的就係唔想警方攞到佢嘅醫療報告。咁就真係奇怪啦,當初「爆眼」一事幾乎全城關注,更加成為黑暴人士聲討「警暴」、煽動「抗爭」嘅「最佳事例」之一,囍雨就喺度諗,呢份醫療報告,咪就正正可以證明「K」係被何物所傷囉!既然要追究「警暴」,點解嚟到今時今日又咁唔想畀人查、要竭力隱瞞呢?

 

唔想令真相曝光?

 

如果大家有一路跟進件事,就會發覺有好多地方其實相當反常。8月11號「K」小姐喺尖沙咀衝突中受傷之後,講真,對於佢隻眼因何而傷,除咗天知地知,可能就只有佢自己知,連警方都好想快啲搵出個真兇,但當啲人不斷藉此聲討「警暴」之時,反而又唔見當事人報警;之後警方向法庭申請手令取其醫療報告,「K」又出律師信反對;到警方攞到手令,「K」又提出司法覆核,咁係咪不斷阻止受傷真相曝光呢?

 

另外,囍雨睇噚日法官嘅判詞,發覺有一點相當耐人尋味。法官話,喺法律上「K」並無獨立權利要求警方向佢出示手令,雖然「K」可以按現行機制質疑手令效力,並提出合適理據申請警方出示手令,但佢就從來都冇按機制行事,甚至冇質疑過手令係咪有效。咁係咪即係話,手令本身係點,對於「K」嚟講並唔重要,重點係總之唔好等警方有辦法攞到份醫療報告。

 

真相會對某啲人「不利」?

 

咁呢件事就真係好撲朔迷離喇,大家要諗下,一個「可能被警察所傷」嘅受害者,唔單止自己唔報警、唔想查,仲不斷阻止受傷原因公開;而果班聲討「警暴」嘅人,又似乎冇乜人質疑過「K」嘅做法喎,究竟點解呢?諗番之前,一批黑暴分子不斷藉住「爆眼」件事炒起爭端、從而激化連番破壞、衝突,甚至圍攻尖沙咀差館,一時話要「討回公道」,一時又話要「以眼還眼」,好啦,依家警方要查,咪就係調查「示威者」口中嘅所謂「警暴」囉,點解又好似有人不斷竭力阻止咁呢?囍雨諗嚟諗去都覺得好費解,唯有大膽推測,係咪有人知道一旦真相公開,就會對炒作「警暴」、炒起黑暴極為不利呢?

 

講真囍雨都好好奇,如果有朝一日事件水落石出、查明根本唔係警察導致「K」小姐所傷,咁果班咁耐以嚟為佢喊冤、抗爭、以至做出「標誌性」掩眼手勢、表達「訴求」嘅人士,又該如何是好呢?嚟到呢一刻,囍雨都覺得呢件事應該查,甚至期盼將真相公諸於眾。大家又不妨睇住劇情發展,諗下係爆眼少女利用緊黑暴運動,抑或黑暴運動利用緊爆眼少女呢?又或者,兩者背後,仲有一隻「看不見的手」?!


原圖:rthk


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

4
唔係呀哇
42
嬲爆
8
無計啦

評論

  • Andy Ho
    Andy Ho
    4年前
    0 回應 檢舉
    隻爆眼曱甴早前有報導指佢收了泥黐蠅$500萬還是1000萬做 揞口費。當然不會現身啦!而同時有報導指隻爆眼曱甴住在龍門居大家如果有時間可以去那邊看看會否同佢相遇?

    沒有更多評論

    沒有更多評論