「崇洋媚外」的盲反派
「崇洋媚外」的盲反派

近日外國勢力對《逃犯條例》虎視眈眈,喺度說三道四,干預香港內部事務,迫到港澳辦同中聯辦都要出嚟發聲以正視聽,但盲反派反而指摘中央「干預」、破壞「一國兩制」云云。作為盲反派喉舌嘅《生果報》主筆盧峯亦加入「盲反」行列,批評中聯辦干預香港內政,甚至聲稱「香港是個擁有特殊國際地位的特區」,外國組織對干涉香港事務亦係「理所當然」。呢單嘢睇睇下都幾好笑,原來喺盲反派同盧峯眼中,外國勢力先有資格評論香港事務,自己國家就無權置喙,呢個到底係咩邏輯?

 

只許勾結外部

 

盧峯喺評論提到,《基本法》條文保障外國公民喺香港嘅權利,甚至連立法會都容許部分議員持有外國護照,所以國際社會成員係香港組成嘅重要部分,就算外國人員提出意見都係理所當然,唔可以當成係外國干預喎;又批評中聯辦名正言順介入香港事務,違反咗一國兩制、港人治港和高度自治。盧峯呢番說話,好明顯就係「只許勾結外部,不許中央發聲」嘅典型盲反派雙重標準思維,完全歪理連篇!

 

外國是盲反派「主子」?

 

香港作為特別行政區,《基本法》已經寫明香港係「直轄」於中央政府,港澳辦同中聯辦為修例發聲有咩問題?點解支持修例就等同干預?外部勢力伺機介入,藉修例攻訐中央政府同「一國兩制」,事件已經上升至國家、甚至外交層面嘅時候,唔通要中央選擇「默不作聲」,先叫妥當?反觀盧峯同盲反派嘅言論,口口聲聲愛香港,但又歡迎外國干擾香港內政,行動係實實在在地損害香港利益,到底佢哋係咪一心為外國辦事,當咗人哋係主子呢?

 

似乎盲反派認為,外國勢力地位超然、擁有無限權力,可以無視《基本法》和國際政治倫理,任意粗暴干涉、批評他國內政,難怪呢班盲反派立法會議員,平時係議會開會果陣,衣著、行為就「爛撻撻」,當參加陳方安生同李柱銘搞嘅「反對修例美加團」果陣,身穿一套整齊「西裝」、神態專注無比,簡直係判若兩人;在國際間一片針對中國嘅風潮下,呢班宣誓擁護中華人民共和國香港特別行政區嘅盲反派議員,想真心想幫香港?定係想配合外國勢力反中亂港?自然就不言而喻了。

 

原圖: 文匯報

4
支持
5
好正
2
無意見

評論