搞事才是王道?
搞事才是王道?

常言道「人無恥,則無敵」,如果一個人或者一班人可以搞完事或者搗完亂,仲要「反斥」受害者唔啱,咁呢個人或者呢班人就「非常無敵」喇!講緊咩人,梗係講緊喺高鐵「一地兩檢」方案上瘋狂搞事、「拉布」嘅盲反派議員啦,佢哋搞完事仲要向立法會主席梁君彥提出「不信任動議」,搞到幾十個建制派議員都要行出嚟力挺梁君彥,講到明支持梁君彥依法主持會議。


搞事仲要玩攻訐?


誠如建制派所指,盲反派喺審議「一地兩檢」方案時,不斷濫用程序,包括提出休會動議、「近乎瘋狂」地「點人數」甚至玩衝擊,而家反指摘梁君彥違反《議事規則》,對梁君彥提出「不信任動議」,根本就係「自編自導自演」。囍雨就覺得,盲反派不斷搞事,而家仲好意思話「不信任」梁君彥,個道理唔係應該係盲反派為搞事不顧一切,應該係市民「不信任」佢哋咩?


無論係梁君彥為方案討論設下時限,或者驅逐搞事嘅盲反派議員出議事廳都好,盲反派而家反而對梁君彥提「不信任動議」,佢哋背後嘅理念其實非常恐怖,大意就係「我哋點喺議事廳搞事,拖死幾多議案都得,你唔畀我哋無限發言或者搞事就唔得」;如果將盲反派呢種霸王作風伸延到其他議案討論,即係以後盲反派唔鍾意邊條議案,佢哋都可以不斷搞事,打無數場「無限之戰」!


梁君彥做法正確


面對盲反派嘅步步進逼,只要設想處地去諗件事,都會覺得梁君彥咁做有理有據,因為任由盲反派議員為所欲為,咁立法會基本上就唔駛Run落去架喇,以後盲反派唔鍾意邊個方案,直接「拉」死佢就得啦,唔理你係普選、高鐵、版權條例、醫委會改革或者創科局要成立等等,佢哋一句「我唔鍾意」,咁就算方案對市民大眾幾有幫助都冇用,咁仲成世界?


與其說梁君彥萬般不是,囍雨反而覺得立法會主席而家先「醒覺」都有啲遲,一早就應該為唔同嘅方案、法例等討論設下時間,盲反派要搞事、做騷,OK!但佢哋做騷做多一陣好啦,因為議會時間唔係全部用嚟畀你哋Show Off的!


原圖:Takungpao

評論