仲未登記做選民既市民，如果想喺今年十一月二十二日舉行既區議會選舉投票，咁大家就記得盡快去登記，七月二號就截止喇！

要乜嘢資格先可以登記做選民？凡持有身份證明文件、年滿十八歲，同埋通常在香港居住既香港永久性居民，都有資格登記為選民。

選民登記同更改資料既表格，可以喺選舉事務處、各區民政事務處，同埋公共屋辦事處索取，亦可於選民登記網站（www.voterregistration.gov.hk）下載。填妥表格後，記得要郵寄到九龍九龍灣展貿徑1號九龍灣國際展貿中心13樓選舉事務處，或者傳真去2891-1180。

仲有、仲有，大家可以考慮吓去屋企附近既選民登記街站登記吖，政府同政黨都喺各地區設立唔少街站，梗有一個啱你既！如有查詢，請致電選舉事務處熱線2891-1001。