本文作者為郭偉强/立法會議員

 

每逢佳節都有時令食品，剛過去的中秋，月餅、沙田柚、楊桃、水晶梨、芋頭等甚為吸引。飽餐過後，如何消滯解膩？除了配上消滯清潤的菊普外，小朋友配鮮榨果汁，相信對識飲識食的港人嚟講，絕對唔係一件新鮮事。

 

 

 

但係打工仔每日奔波忙碌，放工時天未黑晒已是萬幸，唔好彩的可能要加班無補水，連食飯都變為奢侈，仲邊有時間慢慢泡茶呢。

 

 

 

彈性上班安排同超時要有合理「補水」，呢兩樣我哋幾時都希望盡快為打工仔爭取立法保障。但今日筆者就先同各位分享一個既省時，又方便嘅新式沖茶法「冷泡茶」，為打工仔充一充電，醒一醒神，繼續迎難而上。

 

 

 

其實製法好簡單，根據個人口味，花茶、紅茶或綠茶都得，將小量茶葉放入茶袋，直接放在水瓶中加入滿滿的凍滾水，然後放入雪櫃冷泡。

 

 

 

等冷泡茶喺雪櫃浸一晚，利用低溫減緩茶入面嘅咖啡因釋出，等茶葉可以充分展開，令茶色、香氣同味道得以完全釋放。翌朝就已經有一杯醒神靚茶飲，夜晚放工返屋企又可以即飲，仲唔怕小朋友飲熱茶淥親??，一舉兩得。

 

 

 

雖然冷泡茶未必適合體質虛寒如怕凍、手腳冰冷人士飲用，但將茶倒出回溫至室溫同樣可以。冷飲熱飲都能品味茶香，正如爭取勞工權益，須軟硬兼施，包括社區倡議及議會加壓。只要立場一致，條條大路通羅馬，與工人站在一起，從員工的角度出發與資方達至共識，締造雙贏局面，熱茶冷茶其實一樣可口。

 

 

 

原文轉載自《都市日報》 2017年10月6日