【短片】【有聲專欄】囍雨:ABCDE餐都要!

//上屆政府已全力覓地打好基礎,來到今屆政府又變「龜速前進」,原因何在?何以紓民果困?//


因為前特首梁振英提出喺大欖郊野公園邊陲地帶興建居屋,以300萬元「成本價」售予香港永久居民、協助港人「上車」,引發一連串關於房屋問題嘅激辯。有說法指有人提出倡議有「政治目的」,有說法就話今屆政府覓地建屋工作唔夠「到位」;囍雨細心分析近期新聞,發現上屆政府搵咗約210幅短中期土地,並改劃好或者改劃緊過百幅地,但到今年三月,約210幅地都只有大約66%完成改劃,到底出於咩原因?令今屆政府「寸步難行」呢?


翻查上屆政府卸任前嘅施政匯報,原來上屆政府透過土地用途檢討,物色到約210幅短中期房屋用地,當中96幅已完成改劃或撥作房屋發展,估計共可提供約117,100個住宅單位;另外19幅當時亦已經開始改劃,估計完成後可另外提供約13,000個單位。換句話說,喺2017年6月,上屆政府已經改劃或者改劃緊大約115幅土地,預計可提供約13萬個單位。

 

去到今年,政府指截至三月,140幅用地已完成改劃或撥作房屋發展(有6幅用地的改劃不獲城市規劃委員會批准),如果以上屆政府改劃好或改劃緊115幅土地為基礎,咁今屆政府只係喺上屆政府嘅基礎上,只係成功「搞掂」多約25幅土地?當中係因為有阻力?定係有其他原因?


點解呢210幅土地,由上屆政府「全速開拓」,去到今屆政府變成「龜速進行」,囍雨認為政府可以交代,如果有苦衷就講出嚟;呢件事所反映嘅,其實係當有人話某啲土地選項「唔得」嘅時候,但正常、已贊成採用嘅土地選項,都唔一定得!在囍雨而言,依家已經唔係再討論先發展呢類土地、再諗果類土地發唔發展嘅問題,而係不論係ABCDE選項,我哋全部都要考慮,甚至全部都要做!


囍雨唔係要賣廣告,而係既然社會上嘅有心人已經提出咗喺大欖郊野公園邊陲地興建居屋嘅良策,大家應該做嘅,係認真去審視、研究,唔好因為政治原因而將好建議拒諸門外;好簡單嘅討論點,相關土地位處行車隧道隔離,附近又有港鐵站,而且發展時不涉及收地、遷拆等問題,如果連呢啲優質「半熟地」都唔可以用嚟建屋,咁隨住香港一直發展,香港市民仲可以住喺邊?又或者,依家住喺劏房、喺私人市場捱緊貴租嘅香港人又點?住屋問題,根本就係香港最大問題。


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

32
好正
6
心心眼
5
好好笑
4
令人傷心
7
嬲爆

評論

  • 龙一吟
    龙一吟
    4月前
    0 回應
    話人有[政治目的]既人其實事事以政治量度,實事就一無事處,斗咀空談,正一廢柴!我地可以不理,強行落實可見成效,到時很多市民更認清呢d廢柴係好似反對派一樣~搅亂香港,与香港人為敵!
    • Happy21
      Happy21
      4月前
      0 回應
      :blush:
      • Happy21
        Happy21
        4月前
        0 回應
        :+1:

        沒有更多評論

        沒有更多評論