黎智英案踏入第62日審訊，今日繼續由從犯證人、法律助理陳梓華出庭作供。陳梓華供稱李宇軒於2019年區議會選舉前聯絡他，表示會舉辦「監選團」及邀請外國議員來港，包括英國上議院議員奧爾頓勳爵（Lord David Alton），陳梓華聯絡黎智英私人助手Mark Simon，對方得悉後「好有興趣」及表示「我哋會大力支持」，後來轉帳50萬元給李宇軒。陳梓華又指黎智英早於2019年區議會選舉後，已開始研究舉行民主派初選。
控方今早首先重提陳梓華於2019年11月27日與黎智英的會面。陳梓華稱在兩人討論中，黎智英有提過張崑陽，但「唔係淨係見過張崑陽」、「都見過唔同嘅年輕人」，陳梓華稱黎智英「只係特別強調咗張崑陽」。
陳梓華稱黎智英當時表示「支持本土（派）嘅力量」，黎智英亦提到社會上有另起爐灶、建立新黨派的聲音，但黎智英不贊成，指「歷史上嘅經驗係，如果當啲年輕人去自己再組成政黨嘅話，就會令個社會運動變質」，認為「應該都係以泛民嘅思想為中心，去爭取民主」，並表示可以提供支援。
控方又問起，兩人在討論中提到「街頭」、「議會」及「國際」力量結合，上述3者分別代表什麼。陳梓華稱街頭是指「街頭上面嘅遊行、示威者」、「我諗包括埋勇武派」；議會包括區議員、立法會議員及「即將嚟緊嘅立法會選舉」；國際指的「相信就係國際線」，包括「做緊國際游說嘅人」、海外「抗爭者」及「爭取緊當地支持嘅人」。
控方問到，黎智英有否提出如何結合3者力量。陳梓華稱「佢就話想建立一個領袖團隊，而呢個領袖團隊就分別來自呢3個唔同版塊」。
陳梓華稱於2019年11月24日、香港區議會選舉前，李宇軒曾透過Telegram致電自己，表示會籌辦「一個監察區議會選舉嘅行動」，及後表示「唔夠錢搞」，「問佢差幾多錢」、「佢話25萬」，當時陳梓華表示要「諗諗辦法喎」，而李宇軒則稱「你問吓人啦」。陳梓華稱雖然李宇軒沒有明言，但明白「佢暗示我揾黎智英同Mark Simon幫手」。
陳梓華續稱，於是他就此事聯終Mark Simon，Mark Simon「好有興趣」及想知道更多行動內容。陳梓華便再聯絡李宇軒了解，李宇軒透露「本身只係有1個議員想嚟到香港監察選舉」，「但佢哋個團隊、應該係攬炒團隊，決定將佢發大嚟搞」，所以開始邀請議員來港，包括英國、澳洲、日本及美國，李宇軒「先需要再多25萬畀支出」，並表示「佢自己畀唔到啦」。
陳梓華稱後來從李宇軒處收到來港議員名單，便轉發給Mark Simon，其後Mark Simon致電及問「Lord Alton（英國上議院議員奧爾頓勳爵）都嚟？」，確認奧爾頓勳爵亦會來港後，Mark Simon便表示「我哋會大力支持」。
陳梓華向Mark Simon提供李宇軒的銀行戶口，後來得悉「畀哋個double（雙倍），50萬最尾」，陳梓華稱當時Mark Simon指「會直接同李宇軒傾」，「我諗佢哋應該係自己傾」。
陳梓華又解釋，他是從李宇軒口中得知Mark Simon轉帳了50萬元，「我當時講哋句，佢（Mark Simon）都無咁樣畀過50萬我」、「我就話你（李宇軒）好犀利」，而李宇軒又指「呢樣都唔犀利呀，另一個人仲resourceful」，李宇軒當時指的是Wilson Lee（李宗澤）、「佢可以arrange（安排）到啲酒店，畀佢哋搞呢場EOM（Election Observation Mission，監選團）」；李宇軒當時問陳梓華是否認識李宗澤，陳梓華表示不認識。
陳梓華供稱，他於2019年區議會選舉後，即約於2019年11月尾至12月頭，在沙田君悅酒店與Mark Simon會面，Mark Simon指他與黎智英均認為「監選團做得好好，呢個就係我哋想要嘅嘢」，又提到有很多民主人士聯絡他們尋求金錢資助，但Mark Simon表明「我老細好有錢，唔代表佢任何人都要贊助」，小額贊助可由Mark Simon自行決定，而大額贊助則需由黎智英親自決定。
陳憶及當時Mark Simon向他投訴，「李宇軒每次都係最後一刻先搵人幫手」，認為李宇軒「唔係好識做人」，所以Mark Simon希望陳梓華繼續在中間協調Mark Simon及李宇軒。Mark Simon又建議他們將來的文宣工作應該放棄登報紙，改為在網上平台宣傳及推廣國際游說工作，才會更有成效。
Mark Simon提到「唔係個個人都會讀報紙，加上已經有好多人關注香港情況，唔需要再靠登報紙引起關注，反而係官員同政府會更加想知道香港情況係點樣，所以先更加需要（就反修例運動作）國際游說」，希望國際政府採取措施去迫使香港政府回應市民訴求，包括「撤回修例草案」及「落實雙普選」，陳梓華指：「當時對話已經無講過五大訴求嗰啲」。
陳梓華與Mark Simon亦有討論2019年區議會選舉，Mark Simon「覺得黃絲（反修例運動支持者）勝選係大勢所趨，佢哋（黎智英與Mark Simon）開始研究緊初選，點樣可以延續呢個氣勢，可以喺立法會選舉都大勝」。李運騰法官隨即問及，「你是指黎智英早在2019年12月已提出舉行初選的想法？」，陳梓華確認並指後來黎智英於2020年1月也曾經親口向他說「初選」事宜，「甚至乎黎智英話已經攞咗報價，一間歐洲公司可以做初選公投程式」。
陳憶述Mark Simon當時曾向他說「Do something at the international front. （要在國際戰線上做些事）」。
控方另提及Mark Simon曾經提過可以協助他開設離岸公司銀行戶口以作報酬一事，陳梓華指Mark Simon在第二次見面時提到，Mark Simon發現原來在香港很難才可以開到離岸公司銀行戶口，所以沒有辦法幫陳梓華開到離岸公司銀行戶口，但Mark Simon與黎智英講及此事後，得知Mark Simon及黎智英手頭上有兩間空置的離岸公司，「可以畀其中一間我（陳梓華）作為報酬」。
Mark Simon表示旗下的離岸公司會連同一個香港滙豐銀行戶口，向陳梓華介紹其助手Evan Lau，去處理該離岸公司的轉名事宜。陳梓華憶述他約在2020年1月獲邀到壹傳媒大樓，簽署公司轉讓文件，該文件上已有黎智英的簽署，得知該公司為英屬維爾京群島（BVI）註冊公司LACOCK Inc.，其銀行戶口內有8萬港元。
控方指出，本案承認事實已指明，LACOCK Inc.在香港滙豐銀行於1996年4月18日開立戶口，LACOCK Inc.在2018年4月26日至2020年1月13日的授權簽署人為Mark Simon、黎智英及壹傳媒前營運總監周達權，而自2020年1月14日起，LACOCK Inc.的唯一董事及公司銀行帳戶的唯一授權簽署人則是陳梓華。
控方展示LACOCK Inc.的香港滙豐銀行月結單，顯示該公司銀行戶口內有8萬港元，2020年2月7日被扣除$200服務費，結餘為7.98萬港元。陳梓華指Mark Simon以為LACOCK Inc.的銀行戶口內只有5萬港元，及後Mark Simon指示陳梓華以現金方式向他歸還該8萬港元，但陳梓華直至在2020年10月10日及2021年2月15日被捕前也沒有向Mark Simon歸還該8萬港元。
陳梓華當時「只想要離岸公司做生意」，但Mark Simon卻表明該公司亦可用作處理反修例運動或國際文宣計劃，「因為間公司係匿名嘅，所以如果喺海外同不同單位聯絡時，或可以用到呢間公司做支援」，陳梓華提到由於「在海外與不同單位接洽時都需要射（轉帳）啲錢」，Mark Simon指如陳梓華不想用自己名，可以用該公司處理，但陳梓華堅稱：「我應該唔會啦」。
陳梓華供稱在2019年12月，李宇軒曾致電「話佢準備去美國，去見吓啲政要」，但當時李宇軒憂慮去到美國「一個（政要）都見唔到」，李宇軒透露「SWHK同埋攬炒嗰邊幫佢拉緊關係」，而李宇軒想再次與Rick Scott見面，另得悉朱牧民與黎智英和Mark Simon關係「特別好」，「想我問吓Mark Simon嗰邊可唔可以幫到佢手」。
陳梓華續稱，他於是致電Mark Simon及表示李宇軒需要協助，Mark Simon問「咁呢一程，李宇軒佢想achieve到啲乜嘢，有冇啲咩人佢特別想見」，陳梓華便透露李宇軒「想見吓啲官員啦」、「想講解吓香港情況，想做國際游說」，李宇軒亦考慮帶同一份制裁名單、「睇吓有冇機會畀美國官員」，李宇軒當時又表示「唔想兩手空空咁過去」。
陳梓華指Mark Simon了解後，表示「放心」、「佢會arrange」，Mark Simon「要我同李宇軒講，唔會一個人都唔到，叫我鼓勵吓佢」，指至少會見到Rick Scott，陳梓華亦理解Mark Simon會聯絡朱牧民及介紹給李宇軒認識。
陳梓華稱Mark Simon就制裁名單一事沒有說什麼，而李宇軒當時亦未有將制裁名單傳送給他。陳梓華指他當時在Telegram上有看到多版本的制裁名單，「後來佢（李宇軒）話我知用咗SWHK個份（制裁名單）」。
陳梓華又指當時他聯絡過Mark Simon後，回覆李宇軒「放心，Mark Simon話你唔會一個人都見唔到」、「放心去networking（建立關係）吓，加油」，及指「將來方便你（李宇軒）繼續同佢哋keep contact（保持聯繫），同埋你將來做國際游說工作」。
陳梓華亦供稱自己曾按入連結，查看李宇軒帶去美國的制裁名單。控方向陳梓華展示SWHK網站的制裁名單，但陳梓華表示當時他使用的連結是一個檔案連結，由李宇軒透過Telegram傳送給他，並非SWHK網站連結，「但裡面內容，我係有啲印象」，並確認內容類似控方展示的SWHK網站制裁名單。
陳梓華供稱，他當年點擊李宇軒向他傳送的連結後，看到一份以英文撰寫的制裁報告，但之後沒有做過任何事，陳認為李是想「話我知，佢同人影咗相、識咗啲人、俾咗一份制裁名單」，但陳只知李在美國向他人提供了一份制裁名單，但實際不知道李向誰提供該份制裁名單。
李運騰法官問道，為何李宇軒像是要向陳梓華報告其美國行程，陳回答：「當時佢的而且確同我分享佢喺美國做咗啲乜嘢」，而且當時已經決定李宇軒「打條國際線」，李宇軒亦與「攬炒巴」劉祖廸在不同事務上有很多比較緊密的聯繫，但由於陳梓華不知道又沒有參與國際游說事務，陳梓華認為李宇軒「想話俾我知，佢做咗啲乜嘢」。
控方問及2019年12月訪美時，陳梓華知否為何黎智英沒有空，陳指當時他曾WhatsApp Call致電黎智英，但沒有人接聽，故陳梓華聯絡Mark Simon，才知道黎智英「生日所以唔得閒」。
控方重提陳梓華上午供稱，當時已決定由李宇軒及「攬炒巴」劉祖廸「打國際線」，陳梓華補充指，2019年1至2月，陳梓華曾致電向Mark Simon透露李宇軒「同我講做過啲乜嘢」，包括李宇軒前往日本展示催淚彈彈頭。
控方展示陳梓華及黎智英的WhatsApp訊息，問及為何陳梓華希望與「攬炒巴」劉祖廸見面，陳梓華供稱，約在2019年11月28日至12月8日期間，黎智英曾致電他，「黎智英要求我同攬炒巴見面」，黎智英「留意到攬炒團隊發展得好好」，黎智英知道陳梓華聯絡不到勇武小隊，但應該可以聯絡到國際線及文宣上比較出名的攬炒巴，故陳梓華便聯絡「攬炒巴」劉祖廸。
陳梓華稱黎智英想見「攬炒巴」劉祖廸的原因是「想傾下組成領袖團隊嘅諗法」；陳梓華遂於2019年12月前往英國與「攬炒巴」劉祖廸會面，「我將黎智英嘅想法，包括佢認為應該結合鐵三角嘅想法，同埋組成一個領袖團隊嘅諗法」。
陳梓華稱當時劉祖廸有猶豫，「佢對於黎智英認為應該以和理非嘅手段作為主旨，有保留」，陳便告訴劉祖廸「我認為你兩個可以直接通對話，反正個見面唔會有人知道，而且所有費用都會由黎智英負責」，最終劉祖廸同意，他和黎智英於2020年1月在台北會面，而機票住宿開支均由黎智英負責。
陳梓華另供稱，他見劉祖廸前，亦見了「香港監察」創辦人羅傑斯（Benedict Rogers）。陳稱因為當初他問黎智英「仲有冇其他人想我見」，而黎智英希望他見羅傑斯及奧爾頓勳爵，黎智英「想我識多啲人」、「方便我將來參加國際游說工作」，惟奧爾頓勳爵沒有空，所以只見了羅傑斯。
陳梓華續稱，羅傑斯在會面中詢問香港的情況，並談及「會唔會有一啲途徑解決香港矛盾、香港人同政府之間嘅矛盾」，羅傑斯提議「可以將社會問題、例如反修例運動呢件事放上國際法庭去解決」、「佢相信最後尾香港嘅問題都係要通過對話去解決」，羅傑斯亦問到有沒有具體事項需要外國人幫忙。
另外，陳梓華稱羅傑斯當時有問他接下來要做甚麼，陳透露自己會去見「攬炒」，羅傑斯「聽得明呢個字」，並表示「見過佢（『攬炒巴』劉祖廸）同識佢」。
陳梓華從英國回港後曾與黎智英在金鐘會面，黎智英主動提出他乘車到金鐘法院道接載陳梓華，陳梓華認為當時黎智英想他交代他在英國與「攬炒巴」劉祖廸的對話內容，而黎智英為陳梓華到訪英國及台灣的旅程使費「一併畀返錢我」。
陳梓華當時向黎智英道出他在英國會見「攬炒巴」劉祖廸的情況，以及「攬炒巴」劉祖廸的猶豫，「基本上就話黎智英對勇武派的取態似乎不適合（黎智英及劉祖廸）兩人見面」。黎智英向陳梓華說：「希望你明白，我唔係唔支持勇武，只係我需要迎合西方（要求），去獲得國際支持，所以我需要有咁嘅取態」，又指「無可否認的是國際支持比勇武派的支持更加重要」。
陳梓華表示當時「國際線上好亂，好多唔同嘅聲音，有人提倡『港獨』，但亦有人話只想捍衛『一國兩制』，有人提出制裁或者封鎖香港」，而黎智英則認為「年輕人喺度搶緊話語權」，即黎智英認為年輕人的意見成為主流意見，但黎智英不支持此取態。
陳梓華指，黎智英認為應該用老泛民的思想作為主流意見，又認為黎智英想團結「國際線」及「攬炒派」。黎智英當時只稱「呢個並非西方或者美國想見到」，但沒有解釋國際社會及美國是否只想見到泛民，陳梓華理解黎智英是想「主導成條國際線」。
陳梓華供稱，黎智英希望陳梓華把他們的對話內容，包括有關「初選」的想法「講畀年輕人知」，強調年輕人應該更專注在選舉工作，「咁樣啲民氣（意指：人民對關係國家、民族安危或走向所表現的意志力）先會集結」。
黎智英提到「初選」「有啲好處」，黎智英覺得「初選」可以集中黃絲票源。陳梓華憶述「整個2019年修例活動有好多年輕人參與，黎智英認為初選可以吸引年輕人的票，提高投票率」，又提到如果素人參選初選，「啲票可以留落老泛民嗰度」，因為如果素人參選初選時輸咗，其他候選人在立法會選舉時，老泛民便可以得到該些票源，「咁泛民嘅立法會議席就可以鞏固到」。
陳梓華供稱，他有將黎智英的意思轉達給李宇軒，包括黎智英將會見劉祖廸，「同埋係國際線上面，黎智英唔想我哋咁搶咪」，然後他有向李宇軒講起「初選」，但李宇軒稱「有排」及沒有興趣。
控方展示黎智英在2020年1月2日傳送給陳梓華的WhatsApp訊息「Has our guest confirm the Taipei trip for Monday and Tuesday?（我們的客人確認周一周二的台北之行嗎）」。陳梓華確認「客人」指的是劉祖廸。控方續引述，當時陳梓華回覆黎智英，指劉祖廸遇到麻煩、行程可能會延誤。陳梓華稱「好似佢（劉祖廸）本人係工作上面嘅問題」。
控方續展示WhatsApp記錄，顯示陳梓華在2020年1月5日通知黎智英，劉祖廸詢問可否在1月10日到台北會面，而黎智英表示可以及指示陳梓華與Mark Simon聯絡。陳梓華供稱，最終劉祖廸與黎智英在2020年1月10日至12日於台北會面，而陳梓華、一名林姓女子、李永達夫婦、何俊仁夫婦及民進黨前主席施明德夫婦也在場。
控方另展示黎智英發訊息給陳梓華，指「I don't know anyone who's free for you to meet because it's election time. If you want to meet施明德, a true revolutionary, I can arrange. （我不知道有任何人有空見你，因為是大選期間。如果你想見施明德、一位真正的革命者，我可以安排。）」
陳梓華供稱會面是由黎智英發起，因為黎智英很想實現「領袖團隊」，「而劉祖廸本人係領導住攬炒團隊、同重光團隊（SWHK）」。
陳梓華亦指他有向李宇軒透露台灣會面的事情，當時他的說法是「我哋（陳梓華及劉祖廸）會係台灣睇大選，同埋見黎智英」、「到時可以再做個online conference（網上會議）」，因為黎智英沒有提到可否帶李宇軒參與台灣會面，所以陳亦沒有詢問黎智英；當時李宇軒覺得「無乜所謂」、「你兩個知道咪得囉」。
控方問起，陳梓華在2019年7月至2021年1月期間，有否向黎智英提過李宇軒。陳梓華稱「好少，但係有」，並舉例「一開始眾籌個次啦，我話其實統籌嗰個係佢（李宇軒），唔係我」，後來黎智英曾提到「陳方安生同Martin（李柱銘）見過李宇軒」、問「李宇軒係咪港獨派」，當時陳梓華回覆「我相信唔係」；另外，陳梓華和黎智英有次談起聯合國，「黎智英問我點解唔去，因為當時明明其實係應該我去講嘅，點解讓畀人哋（李宇軒）」。
陳梓華、「攬炒巴」劉祖廸、黎智英，以及陳梓華在Telegram群組找來的林姓女子，2020年1月到台北會面，陳解釋：「之前好多勇武派嘅資訊都係林姓女子同我講嘅，佢同佢男朋友都係group入邊，但最後只係得林姓女子得閒」，陳亦已向黎智英交代林姓女子會參與會面。
陳梓華供稱，已故前民進黨主席施明德也獲邀參與會面，陳指施明德當時為了民主運動「坐咗好多年監」，以及施明德曾做過「倒扁行動」，陳表示他對施明德最深刻的印象是「紅衫軍」，陳憶述他與施明德見面時，施明德曾向他展示有關相片。
陳梓華簡介他們在台北的行程，他們在2020年1月10日從桃園機場前往台北君悅酒店休息，首日沒有與任何人會面；2020年1月11日早上便有黎智英的司機接送往黎智英的陽明山別墅，陳梓華、「攬炒巴」劉祖廸、黎智英、林姓女子4人進行午飯會面，「本身無時間睇台灣大選」，最終該晚「攬炒巴」劉祖廸離席後，陳梓華、黎智英、林姓女子、李永達夫婦、何俊仁夫婦及施明德夫婦在大選當日在黎智英「屋企睇電視」直播大選；2020年1月12日，陳梓華、「攬炒巴」劉祖廸及林姓女子與施明德會面後回酒店，然後陳梓華、「攬炒巴」劉祖廸與李宇軒進行網上會議。
圖片來源：港人講地
請Follow我們的YouTube頻道：https://bit.ly/2kgU8qg
下載我們的手機應用程式，收看第一手精彩內容：https://www.speakout.hk/app
評論