中秋節本身係同親人團聚嘅好日子，偏偏近年嘅中秋就盡顯香港人有幾冇公德心。除咗喺屋邨、公園留下大量垃圾，今年香港人繼續大量消耗螢光棒，例如有小朋友喺某屋院用小型螢光棒做成「螢光寶牒」，拋到樹上，身邊更不乏成年人鼓勵小朋友試拋「螢光寶牒」。同時，亦有住東涌嘅網民上載載有數百支螢光棒嘅垃圾袋。

有環保團體估計，香港人每年中秋嘅螢光棒消費數目高約四千萬支！怕大家聽完又唔記得所以講多次，螢光棒係唔可以被回收嘅，而且螢光棒大多含致癌化學物，即使你好彩，冇整爛螢光棒然後接觸到有害物資，被廢棄嘅螢光棒卻會對海洋同堆填區增加負擔。你嘅數小時歡樂，對環境來說卻是永久損害。值得嗎？

圖片：tungchungfuture