//許智峯潛逃海外仲時刻不停忘「抽水」，等緊你返嚟香港呀！//

食花生喇！食花生喇！著草去澳洲嘅國安通緝犯許智峯，又搵到機會抽水了。

是咁的，理工大學今個學年開始推行國安教育，部分教材有提及許智峯同埋梁頌恆等 30人，涉嫌違反國安法潛逃海外被通緝。哇哇哇～不得了！不得了！對得袋鼠太耐嘅許智峯知道後，第一時間喺社交網站平台抽水，話咩咩「本人竟然榮幸被香港理工大學用作『勾結外國勢力』、違反國安法的教材」喎~

哪哪哪～面皮幾呎厚嘅許智峯仲話，理大既然如此致力推動國家安全教育，何必紙上談兵，不如直接舉辦網上論壇，由佢親自直播向學生講解光復香港國際戰線喎~呢個反中亂港份子，真係死性不改兼唔知醜。

許智峯呀許智峯！既然你都話要向學生親身講解反中亂港經驗，咁做戲不如做全套，快啲返嚟香港，親身示範埋做漢奸被捕坐監嘅下場啦！

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk