泛民政客邊個係最強「豬隊友」？黃碧雲認第二冇人敢認第一。是咁的，教協尋日召開特別大會，以大比數通過修改會章，降低解散門欄。身為教協理事會成員之一嘅立法會前議員黃碧雲，夜晚就即刻「跟車」發帖文表示痛心，不過文中竟然透露，原來教協會員過去兩星期就以最快嘅速度，將旺角及銅鑼灣會所福利部嘅所有貨品搬走晒，連掛鉤都一件不留，好似「螞蟻搬家」。佢仲話，咁樣可以減省職員清理物資壓力，大家都要記一功喎。

哇哇哇，教協喺尋日先開會通過改會章，點解教協會員可以喺兩星期前未卜先知，咁確定可以通過降低解散門檻嘅決定，就一早pack好晒啲家當準備收檔？係咪所謂嘅會員投票，其實都係呃人嘅假民主啊？仲有仲有，教協究竟有咩咁驚，要以「最快速度」清走物資？好令人懷疑喎，你話黃碧雲係咪講多錯多呢？

不過黃碧雲賣隊友都唔係第一次，早前涂謹申及朱凱廸為「12港人案」發聲博眼球，黃碧雲偏偏出嚟「助攻」，話民主派如果唔做議員，邊個幫到佢哋？即係曝露咗佢哋搞咁多嘢，都係為延任嘅真正企圖囉。最後黃碧雲被黃之鋒一班同路人鬧到要刪post兼道歉。泛民有咁嘅「負資產」隊友，真係好頭痕。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk