//得到神靈「安慰」後，睇嚟鄭松泰真係安樂晒咁喎，仲自爆係明知故犯博DQ?//

好多時人受到打擊，都會求神問卜問前程，突然「雙失」嘅鄭松泰都唔例外。話說佢日前被裁定，選委會當然委員嘅登記無效，兼且即時被DQ立法會議員資格，無咗110萬薪津，5年內不得參選，驟然「雙失」，佢噚日走去車公廟求籤。

鄭松泰喺自己FB話總共求咗兩支籤，其中一支係第三十一簽，屬中簽。簽文係「手執絲綸釣大江，無魚即覺自恓惶，大魚拽尾相迎接，酌酒烹茶味見香。」解曰「先凶後吉，自身平安，家宅平安，婚姻不合。」

可能就係「先凶後吉」呢4個字，即時令鄭松泰好安慰咁話:「唔係講笑，車公真係好靈。」之後，仲爆內幕，話自己其實可以唔交選委登記表，悶悶地做到12月會期屆滿為止；而佢主動去做一個明知有風險嘅決定，咩咩咩當中嘅考慮需要更長遠眼光、同埋更遼闊嘅視野。仲話外間對佢冷嘲熱諷、落井下石，通通都係預料之中咁話喎!

不過，鄭松泰唔好開心住，佢曾經鼓吹全民制憲、前年暴徒衝擊立法會大樓時，佢身處大樓內究竟扮演甚麼角色？執法機構仍會徹查，可能好嘅唔靈醜嘅靈，隨時監獄見!

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk