//李永達「著草」搞到白鴿黨內訌，真係花生味十足，唔知呢個火頭會唔會越燒越多呢～//

有花生食、有花生食啊！白鴿黨副主席李永達日前被揭撇低老婆著草去英國，該黨中委蘇逸恒其後喺FB發文稱「叫人衝，自己鬆」，似表達不滿，不過內訌事件再有新發展！因參與涉違國安法泛民初選而正還押嘅尹兆堅，噚日有人喺其FB發貼，話咩咩咩唔知李永達面對乜嘢狀況或威脅，但就不點名開火鬧爆嗰名黨友係「契弟」喎。

咁都未止呀，尹兆堅越鬧越激，大爆呢位黨友係「機會主義者」，非但「半年無為個黨分憂」，仲「結黨結派鑿沉船、拖後腳」、仲話唔開名同爆粗已好克制，仲hashtag「黨到底有幾個副主席」，似乎暗有所指，火頭可能越燒越多啵。睇返民主黨架構表，有兩個副主席，另一位就係觀塘區議員嘅梁翊婷。

嗱嗱嗱，其實人哋都係講事實，尹兆堅咁大反應，唔知係咪因為尹兆堅之前有份請李永達出山，諗住穩住白鴿黨軍心，點知轉個頭李永達就急急腳走佬，搞到尹兆堅好無面，所以先至出嚟護短呢？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk