//早知今日何必當初呢，學生本份係讀書，如果當日佢哋唔係借校園搞政治，就唔會有咁嘅後果，好好反省喇//

做錯事冇後果？梗係唔係啦，港大學生會評議會就有辦你睇嘞，佢哋上月通過悼念在7月1日用刀刺傷警員「孤狼」嘅議案，搞出個大頭佛，港大校方繼早前唔承認學生會及要佢哋「執包袱」退出學生會大樓之後，港大校委會噚日再出手，宣布當日有份參與會議嘅學生，全部禁止入校同使用大學設施同服務，直至另行通告為止，變相「停學」！

嗱嗱嗱，港大一出招，涉事學生當堂嚇到鼻哥窿都冇肉，有港大學生會評議會成員仲向傳媒呻可憐，話咩咩咩大部分成員原本希望盡快平息事件，「真係冇諗過學校會咁做，依家連專心讀書都唔俾」喎。

嘩嘩嘩，如果呢班涉事港大生一早咁做，就唔會有咁嘅後果囉，當日借校園搞政治係威係勢嘅，依家先至話驚冇書讀會唔會太遲呢？同埋係咪真心悔改呢？呢班學生真係要好好反省吓喇！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk