//葉建源潛水咁多日，仲想拖到幾時？全世界等緊你出嚟解釋呀！//

奪金啦，奪金啦！講到「潛水冠軍」喎，邊個及得上教協副會長葉建源先得㗎。是咁的，政府日前批評教協政治騎劫教育，宣布全面終止同教協嘅工作，發生咁大件事，教協都只係發個聲明回應。噚日教協理事會開例會，會長馮偉華出嚟見傳媒都淨係話討論教協未來會務，未來會務係乜又唔講，對終止合作事件封口，有份出席嘅葉建源就直頭無晒影，一於收口兼繼續「潛水」！

嘩嘩嘩，有人要「潛水」，就梗係唔慌發生好事，咁好自然會有人護短，不過幫口不成仲鬼拍後尾枕囉。日前有教協中人向傳媒澄清，呢頭話教協過去一直專注教育工作，不過嗰頭就爆響口，話教協早已聞到「𤓓味」，「近月已明顯減少政治參與」喎，咁樣不打自招，即係證實教協過去好多政治參與嘞，教協仲話自己唔係政治團體，無得抵賴啦！

逃避雖可恥，但唔代表有用嘅，教協咪諗住以為避得一時，就可以避得一世啊，如果真係覺得無做錯，就叫葉建源「上水」當面回應下囉！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk