//出賣「手足」齊上齊落嘅承諾，「著草」英國嘅羅冠聰，又有咩資格代表香港運動員同香港人？//

咩叫反中反上腦？前香港眾志成員羅冠聰認第一，無人敢認第二。話說，涉違《港區國安法》，「著草」英國而被香港警方通緝嘅佢，近日趁東京奧運，不停出Po，借題發揮同「手足」講，香港運動員「透過奮鬥同勝利」，「話俾佢哋聽努力同堅持係絕對有用」，不過更離譜係暗示侮辱國歌，話咩咩咩熄左聲睇金牌領獎會更感動添！

哇哇哇，唔單止當自己做咗香港運動員嘅代言人，羅冠聰仲騎劫埋全港所有市民，話今屆奧運「好有趣」，無論係香港人參與度，以至運動員奪金，都顯示出「非常唔同」嘅意義，又話香港人支持香港代表隊同「中國對面隊」，所以「民意好清晰啦」喎。

嗱嗱嗱，羅冠聰，既然你咁重視民意，點解唔返香港，同「手足」齊上齊落？出賣承諾，畏罪「著草」，兼到英國做政治難民嘅你，又有咩資格代表香港運動員同香港人呀？係咪見到自己遠在英國，開始過氣，趁奧運抽吓水，擦存在感，挑動香港人敵視國家隊，順便呃Like，𢯎課金呀？精明嘅香港人先唔會中你嘅計！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk