【短片】【笑聞一分鐘】鄒幸彤獄中犯事被「釘倉」 邵家臻硬出頭自爆違規醜事​

//監獄梗係有監獄嘅規則喇,邵家臻如果覺得規矩多,咪奉勸你班手足唔好犯法,就唔使踎監遵守《監獄規則》囉。//


泛民政客踎監當住酒店已經唔係第一日。因為違法佔中案曾經坐過監嘅立法會前議員邵家臻,早前探監涉今年六四宣傳未經批准集結,正被還押嘅支聯會副主席鄒幸彤。邵家臻喺社交網站透露,鄒幸彤因為同其他囚友分享郵票,觸犯監獄規則,被「釘倉」三日,即係要單獨囚禁。仲好替鄒幸彤辛苦咁話,「冇書本、冇糖餅、冇收音機、冇報紙」喎。


邵家臻仲扮專家咁話,估計鄒幸彤應該都係中咗第234A章 《監獄規則》第61條入邊,違反監獄紀律嘅行為。因為佢當年坐監,都因為一顆牛肉球而中咗呢一條。


立法會前議員邵家臻:「我回想自己當時坐監的時候,都被釘倉。當時指控我l條例,即未獲授權而給予任何人任何物品,或向任何人收受任何物品。講到這麼抽象其實是什麼呢,是我吃了別人一顆牛肉球。這個l就應該是鄒幸彤中了那條。」


哇哇哇,《監獄規則》寫到明邊啲行為係違反紀律,呢班泛民政客係都唔守規矩,又傳遞郵票、又分享牛肉球,唔通踎監都要發展自己嘅社交圈?邵家臻仲夾硬幫鄒幸彤開脫,話囚友犯規,可能係因為阿Sir講得唔清楚喎。


立法會前議員邵家臻:「當你進入監房的時候,我自己在赤柱監獄有兩日好似一個迎新日。職員就會讓你看帶,看看監房規矩,所以你說囚友知不知道,好似在阿Sir播帶的時候可能講過,但肯定就不會講得很清楚。」


正所謂知錯能改,善莫大焉。自己違反監獄規則仲咁多藉口,矛唔矛啲啊?不過邵家臻呢班泛民政客既然覺得監獄規矩多,就奉勸你班手足唔好犯法,咪唔使坐監囉。


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

16
好正
4
心心眼
6
好好笑
3
令人傷心
6
嬲爆

評論

  • shuyicai58@gmail.com
    shuyicai58@gmail.com
    1月前
    0 回應
    大陆骗子在港开多家私人诊所

    沒有更多評論

    沒有更多評論