//又話齊上齊落嘅，原來得個講字！劉家衡仲話自己同佢老婆「滅時潘」冇夾帶私逃，大家又點睇呢？//



攬炒派成日講「齊上齊落」喎，當有事就即刻走夾唔抖，話口未完，又多一個著草外國。是咁的，曾經喺聯合辦事處外張貼「藍絲與狗不得內進」告示嘅劉家衡，喺星期日就辭任深水埗區議員。佢老婆、KOL「搣時潘」(潘書韻)日前未有就襲擊案出庭應訊被通緝，被指靠眾籌俾律師費，之後兩人前後腳喺社交網站上承認已咩咩咩「流亡海外」，更有懷疑係前議員助理鬧爆兩人，拋棄為佢哋賣命嘅同案議助「手足」兼拖糧，花生味十足！

嗱嗱嗱，劉家衡昨晚深夜就現身解畫，懶正義咁話咩咩咩無法提早告知「流亡」消息，係因為安全理由，唔想搞到有人被扣上協助潛逃罪，又話自己咩咩咩為準時向員工出糧，仲差唔多使晒全副儲蓄。之後佢又否認夾帶私逃，話早前眾籌所得款項都唔夠俾半小時律師費，最後話自己著草係忍痛放低香港嘅一切，但因為無法維持基本生計，暫時只可依賴眾籌維生喎。

嘩嘩嘩，一句到尾，劉家衡講咁耐都係想博同情，為咗搲課金啫，連網民都唔多受落！有網民就斥：「好心你地咁後生有手有腳自己返工搵錢啦，大把人英文都唔識句，過咗去都冇好似你地咁乞！」，另有網民則指：「啲錢去咗邊自己心知肚明，臨走仲想掠多筆，過街老鼠！」亦有網民怒轟劉家衡兩夫婦拋棄手足行為，「叫人衝，自己鬆」；「咁小事你就流亡唔好玩啦，不如你話自己身有屎，怕坐監好過，現在手足又唔理，話走就走！」

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk