//犯咗法當然要找數，周庭依家先話坐監好痛苦，咁對唔對得住當初俾你煽動上街嘅「手足」先？//

好痛苦啊！好慘啊！幾乎每個攬炒派無論係坐緊監抑或坐完監，都例牌賣慘博同情。嗱嗱嗱，前香港眾志成員周庭當然唔例外。佢因為前年6.21包圍警察總部事件，去年底被判入獄10個月，噚日刑滿出獄。周庭梗係把握機會發帖話咩咩咩「痛苦的半年零二十天，終於完結了」，又話咩咩咩嚟緊要好好休息，養好身體，因為呢段期間身體變得「太瘦弱」喎。

嘩嘩嘩，周庭依家坐完監先嚟話慘，唔係嘛？佢最初又話喺監獄報蛋糕班玩吓，又話被編配到洗衣房洗囚衣，咁嘅生活唔係好精彩好充實咩？講真，如果唔係佢自己當初煽動人上街暴力抗爭，又點會受呢啲牢獄之苦先，一句講晒都係佢自己攞嚟啫，早知今日何必當初呢？最慘其實係當日俾你煽動嘅「手足」囉！

仲有呀，周庭一句「完結」就想當冇事發生，會唔會諗得太簡單？唔好唔記得，佢舊年8月曾被警方以違反《國安法》拘捕，被控「勾結外國或境外勢力危害國家安全」罪，依家出獄唔等於冇事囉，隨時面臨再被檢控，周庭想完結長唞啊，唔該找清條數先啦！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk