「抽水」無極限，今次輪到人民力量大嚿同慢必囉！事關立法會財委會喺泛民勁玩「拉布」之後，個個撥款等到頸都長都未過得到，好啦，今次政府見到有四項撥款申請，可以擺埋喺財政預算案、一併兼好快會處理，咪抽起佢，畀大家期待已久嘅「創新及科技局」快啲拿上來討論兼通過，哈，點知「沒有最玩野，只有更玩野」，大嚿慢必橫蠻無理，預告一定玩到盡「拉布」，講到明攪破壞、攪到個「創科局」今個財政年度唔駛旨意過得到撥款，總之就係要斷你後路咁話囉！

查實人力究竟知唔知咩叫做「急市民之所急」架？我地香港嘅創新科技唔係已經落後過人哋多多聲啦咩？你仲玩野拖延創科局成立？如果今次過唔到，喂，唔知幾次再上過大會架喎，更加唔知何年何月何日去到財委會添！咁即係我哋要眼白白，睇住個香港IT發展大落後？唔係呀化？話時話，你地成日喺議會玩拉布做晒SHOW咁，查實對個社會有咩好處先？

Youtube影片連結：http://www.youtube.com/watch?v=ayvikKK53SM