佔領行動已經結束，但唔少主事人都走咗數囉。好似學聯嗰位梁麗幗姐姐咁，既無自首，金鐘清場當日亦唔响現場，當大家聽完佢嗰理由後，仲可能激到爆肺添呀。皆因佢話，佢當日無留守，因為第二日要考試喎。

嘩嘩嘩！讀書同考試對學生嚟講梗係好重要喇，但係梁麗幗當日你同學聯都有份大大聲叫人留守噃，響應號召留响度嘅人有大學生仲有中學生添，乜剩係得你梁麗幗要讀書要考試咩？唔通你係學生領袖係矜貴啲？講穿咗，咪即係「推人去死，自己鬆人」囉。

不過咁，梁麗幗到咗今時今日都仲死撐自己會承擔法律後果架。嗱嗱嗱，大家聽住呀，佢自己話要自首架，希望唔好又係得個講字啦。

呢個時候真係想哼返兩句：「我等著你找數，我等著你找數……」