沒有最離譜，只有更離譜！講緊既係啲無厘頭既網上傳聞，近日某個網台話，如果新界東北發展計劃「冧」咗，咁特首梁振英就要落台喎。點解？唔知架，講之嘛。
 
查實新界東北發展已經唔係第一次被抹黑，之前啲反計劃既團體就不停喺網上面玩抹黑，好似明明計劃裡面既資助房屋佔六成咁多，佢哋又講到得四成，仲有呀，又話政府有四千公頃「閒置土地」，唔使發展新界東北喎。
 
四千公頃即係幾多呀？即係半個香港島咁大呀，諗吓都知冇可能啦！仲有一單流料話，政府有意喺長洲及南丫島之間水域填海，要『殺咗兩個島』喎，結果？咪又係畀發展局既專家篤爆囉！其實政府只係想知人工島會唔會影響埋嗰度既水域同海洋生物咋！
 
所以話網上既嘢，點可以隨便信架？大家不妨諗吓，新界東北搞唔掂，到底係梁振英大鑊啲，定係等緊上樓既人大鑊啲呢？