DSE中文作文題「必要的沉默」、聆聽試既「才德」辯論、通識試既「示威遊行」必答題，條條都引起媒體同網民無窮想像，有人話考評局借作文題目「必要的沉默」教啲考生沉默，是「維穩」一種，仲有報紙就話呀，「才德」辯論係諷刺特首梁振英喎。香港人真係得意，乜嘢都可以政治化，不過今次行唔通吖，所有專家學者教師都話啲題目冇問題，似乎有問題既，係講到啲題目有問題嗰班人囉！

其實事有兩面睇，你話「必要的沉默」係要人收聲，但又可以係叫人「慎言」、唔好講咁多廢話、特首候選人要才要德，咁立法會議員呀、選學生會呀都要架啦！

咁講，考試題目接受公眾「監察」係啱既，但如果話考評局出題目「政治化」，其實最「政治化」既係炒作呢類新聞既傳媒至真，為咗政治目的就乜都寫得出。

唉，算啦，家陣香港係咁架啦，言者永遠無心，聽者又永遠有意喎，做人做到咁，真係辛苦晒！乜嘢都由負面去睇，人哋講句其他意見就走去扣帽子、話人反民主，會唔會真係OVER咗呀？使唔使咁多心呢，香港人！