主持：
何永謙 前衛生及福利局副局長

嘉賓：
張志剛 「一國兩制研究中心」總裁
李彭廣 嶺南大學公共管治研究部主任

港大民調有關特首支持度的調查中，其中一條問題是：「假設明天選舉特首，而你又有權投票，你會唔會選梁振英做特首？」對此，嶺南大學公共管治研究部主任李彭廣認為，要判斷假設性問題是否恰當，要視乎問題是否在適當的環境進行，他同時指出，選舉支持度和施政支持度是兩種截然不同的概念。「一國兩制研究中心」總裁張志剛亦質疑，調查並非在選舉前進行，但卻提出「會唔會選梁振英做特首」的問題，問法顯然並不恰當。

張志剛：外國多直接問支持或不支持

張志剛指出，港大民調以公眾對該條問題的回答，當作是公眾支持梁振英與否，是不恰當的。他舉出外國同類的民調作為例子，「如果係外國就會問，你支持梁振英做特首定係唔支持梁振英做特首。例如係美國，會直接問，Do you approve or disapprove of the job Barack Obama is doing as President?（你支持或不支持奧巴馬出任總統所做的工作？） 所以佢（鍾庭耀）係問咗另外一條問題」。

李彭廣強調，設計問卷的問題時要清楚，「你想量度啲乜嘢，即做調查既意圖，但問題而家我唔知佢量度緊啲咩，係支持度定係其他。」他未有直接評論港大民調的做法是否合理，但就舉出自己做選舉民調的例子表示，他會在選舉臨近的時候做調查，「比如是一兩個禮拜後既選舉，我才假設，假如明天投票，有以下候選人，你投邊個。」

李彭廣：選舉支持度有別於施政支持度

李彭廣認為，假設性問題可以用，「但問題係，你問嗰個問題，究竟係唔係放係恰當既環境裡面和要達致既效果。選舉既支持度，同施政既支持度，可能概念上有唔同。」他提醒，做調查時要小心，設問「一定要謹慎」。

張志剛續指，即使要作出該條「會唔會選梁振英」的假設性問題，「但通常都要列晒其他候選人啲人名」。前衛生及福利局副局長何永謙亦質疑，「但佢而家剩係梁振英，唔知對手邊個。」張志剛回應稱，「問題就出現係呢度，你都唔知對邊個，可能全港想做特首既人唔止一百個，變咗個遊戲係一個對N個。」若然跟僅列出兩個候選人的規則相比，「一個對N個」的支持度必然是偏低。

張志剛亦依此談及港大有關特首評分民調的不妥之處，「如果你既問題係支持、唔支持、一半半，三個分段都會有代表性，但如果你係0至100分，人哋就會當中間既50分係合格去答。」
另外，有商界人士日前提出建議成立民調基金，在港大之外，另外邀請中大、科大等進行同類型的民調。李彭廣認為，多些機構或人進行同一題目的民調，有助增加參考價值及提高公信力。張志剛亦指出，各界應「歡迎比較」，部分人不應預先定下前設，假設有人此舉是意圖改變民調的「答案」。