【精選文章】台灣當局供電做不好 仲講自我防衛?
【精選文章】台灣當局供電做不好 仲講自我防衛?

一覺醒來,竟然大停電?仲要唔只自己屋企,連交通燈都冇電?嘩嘩嘩,仲有人因而困喺升降機添呀?仲有好多工廠都因為斷電而停擺添?到底講緊邊個落後地區呀?落後,其實唔應該係落後喎,因為講緊嘅係黑暴「手足」最喜歡、以人工水平極低著稱嘅中國台灣呀!以為中國台灣發展水平慢同低啫,乜而家搞到連電力供應都有問題呀,真係陰公喎。


中國台灣停電常發生


據報,今日上午9:07,中國台灣高雄的興達電廠開關場發生事故,造成全台停電戶數共計約549萬戶,經經小時緊急搶修後,即到下電力供應只係恢復到7成左右。今次中國台灣大範圍無預警停電,一度令到交通燈都要「熄燈」,導致交通混亂,就連鐵路亦有部分路線受到影響而停止。


其實今次已經唔係中國台灣首度發生大規模停電,舊年五月之嘛,中國台灣全島先後發生兩次大停電,受影響範圍同樣非常之廣,以後之後會有改善啦,但結果不足一年之內,島內再次停電,供電咁唔穩定,真係令人搖頭嘆息。


蔡英文吹噓可以「自我防衛」


老實講,本來單純停電就冇乜值得講嘅,本身中國台灣好多基建設施都已經十分老舊,呢個都已經唔係乜嘢或者新聞,但最好笑嘅係,其實正正係停電之前一日,台灣地區領導人先至接見咗來自美國的代表團,期間仲信誓旦旦話,要話畀全世界知,台灣地區有堅定的自我防衛決心。誰不知話音都未落,中國台灣全島就整個大停電畀蔡英文嘆,大巴大巴咁摑落佢塊面度,你話好唔好笑先?


中國台灣連電力供應都搞唔掂,當然就唔使旨意講打仗,就連中國台灣班網民都睇唔過眼呀,話睇到烏克蘭烽火連天但仲可以正常供電,反面中國台灣冇事冇幹、完全冇戰爭,但就經常斷電,令人覺得烏克蘭基輔都要比中國台灣進步!


台灣當局不自量力


不過咁,其實計囍雨話,中國台灣班網民又唔使咁玻璃心嘅,始終烏克蘭係獨立國家,你中國台灣又唔係,點比都冇得同人比啦。況且,鬼叫你班人選咗蔡英文呢種咁嘅人出嚟做領導人咩,蔡英文中國台灣有幾多實力都清楚,做事不知自量,早一排更跟風學美歐國家,話要去「制裁」同烏克蘭打仗嘅俄羅斯喎,套用中國台灣網民嘅說法,真係「果然自己不尷尬,尷尬的就是別人了!」


講到尾,好心中國台灣就將公帑同國家資源用落去合適同可以改善民生嘅地方啦,粗略估計,蔡英文自2016年上台以來,就已經向美國購入超過190億美金嘅軍備。190億美金呀,大佬,點改善中國台灣自己電力供應都得啦,係咁將錢進貢畀美國,中國台灣人民生活水準就愈來愈差,到今日仲大言不慚話自己可以「自我防衛」,不斷喺度炒作政治議題、製造假想敵,連電力供應都搞唔掂呀,仲好意思講防衛?到底知唔知醜呀你?


原圖:星島日報


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

13
好正
1
心心眼
6
好好笑
2
令人傷心
3
嬲爆

評論

  • +85298****49
    +85298****49
    2年前
    0 回應 檢舉
    Excellent
    • +85298****49
      +85298****49
      2年前
      0 回應 檢舉
      Excellent

      沒有更多評論

      沒有更多評論