李華明想「走數」唔退黨?
李華明想「走數」唔退黨?

「今日的我打倒昨日的我」,呢句話說相信無人會比反對派政客演繹得更好!仲記得民主黨創黨元老李華明,喺9月底鏗鏘有力咁講:「如果民主黨特別會員大會通過唔派人參選,而民主黨又繼續存在…我無選擇,會無奈離開我有份創立嘅民主黨!」直至今日,民主黨仍然「活著」,亦都無派人參選立法會,囍雨等咗好耐,到底李華明幾時先肯兌現承諾呢?點知,李華明琴日終於開腔,但唔係宣布離黨,而係「側側膊」話會考慮離黨,但係現階段唔會實行咁話。雖然囍雨都估到佢會走數,但依家咁樣真係好肉酸。


李華明話晒都係民主黨元老、資深反對派政客,依家公開講完又唔算數,係咪叫大家當無聽過就算數?呢個係關乎誠信問題,之後其他黨員、市民大眾仲點信得過你?不過,囍雨都明嘅,依家反對派陣營四分五裂,如果佢真係退黨,都唔知去邊個政黨落腳好,而且仲有無政黨肯收留佢都成問題。如果想繼續政客生涯,留喺民主黨到應該係唯一出路。就算無人聽佢支笛都好,最起碼都仲可以拎民主黨元老嘅身份發聲,偶爾刷吓存在感。


民主黨近年由激進派新人領軍,李華明講嘅嘢,佢哋又點會聽得入耳?囍雨都真係好懷疑,李華明到底留喺黨到仲有咩價值?依家佢話想「公開支持」立法會選舉某參選人,都要先經黨內批准先得;不過囍雨就肯定,民主黨本身都擺明想杯葛選舉,肯批嘅機會真係微乎其微!李華明與其繼續被個黨「綁手綁腳」,同政黨領導層都已經係貌合神離,不如真係兌現承諾,順手離黨走人吧啦,起碼都仲可以挽回小許面子。


講明先,囍雨對於民主黨係咪派人參選,由頭到尾都無意見。民主黨唔派人選、唔努力爭政治話語權,最後如果真係搞到要解散、滅黨,都係自己攞嚟。但係見到民主黨之前咁樣趕絕「參選派」,將黨內報名參選門檻又設定到天咁高,呢種高壓獨裁嘅手段,真係嘆為觀止。黨內高層要鑽牛角尖、繼續行歪路無問題,但係一眾民主黨員應該要諗清楚,到底係要及早跳船「保平安」,定係要同民主黨一齊攬炒?


原圖:星島日報


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

11
好正
1
心心眼
9
好好笑
2
令人傷心
2
嬲爆

評論

  • +85298****49
    +85298****49
    2月前
    0 回應
    Excellent
    • 龙一吟
      龙一吟
      2月前
      0 回應
      黨性、黨格、黨種訂下黨規,黨規所生的黨員就是這種「物以類聚」才能同聲又同氣,相信在不同的階梯及不同的時間,佢地都不會不同收埸及下埸。

      沒有更多評論

      沒有更多評論