煽暴惡毒心未死 港人勿掉以輕心
煽暴惡毒心未死 港人勿掉以輕心

今日係中秋佳節,但偏偏就畀囍雨見到一單幾得人驚嘅新聞。話說,警方發現有人喺社交網站發帖,透露有自殺念頭,於是隨即聯同其他部門展開拯救。警方好快就搵到事主,而佢亦安然無恙;之不過更嚴重嘅係,警員喺調查過程中,發現竟然有網民留言支持事主自殺,仲鼓吹叫要同政府官員同司法人員「攬住一齊死」。結果,警方迅速拘捕咗嗰位64歲報稱係小販嘅網民。囍雨想知,到底係咩驅使佢咁做?因乜心態可以扭曲到咁?今次事件會唔會只係冰山一角?


已有宣揚恐怖主義之嫌?


一般人見到有人想自殘,正常都會諗方法制止、安慰,等佢盡快打消念頭。囍雨相信大部分人都會有惻隱之心,但係今次被捕者,唔單止「見死不救」,更同時鼓動事主去傷害政府人員,唔通又係另一宗因為政治,連道德人性都無埋嘅個案?睇返成件事,如果被捕者係出於政治原因,去鼓動其他人去傷人、同政府人員「攬住死」,咁嘅做法,似乎目的唔止係傷人,而係針對政權嘅行動,其實會唔會已經有宣揚恐怖主義、煽動策劃恐襲之嫌?


無論點都好,今次件事向社會發出明確警號,今日香港局勢表面上雖然已經回復平靜,但係實際上仍有唔少暗湧。反政府分子一直潛伏,喺網上、喺大家身邊伺機而動,只要一有機會就會煽暴搞事。大家唔好唔記得,除咗今次呢單案,警方國安處近日都拘捕同檢控咗激進組織「賢學思政」嘅3名成員,指他們涉嫌透過社交網站同擺街站,宣揚煽動仇恨政府、顛覆政權等。由此可見,呢啲激進組織仍然好活躍,大家真係唔可以掉以輕心。


激進組織、「孤狼」 同樣危險


不過相較起嚟,激進組織嘅公開行動,都總算叫有跡可尋;但個別激進者,即係被稱為「孤狼」嘅人,平日好大機會係「收收埋埋」,社會真係唔容易察覺得到。事實係,仍然有唔少支持反修例暴動嘅人,一直想趁機捲土重來,用盡唔同方法去煽動其他人繼續反政府、發動暴力抗爭。囍雨就喺到諗,到底今次件事,其實係單一事件,定係有組織喺幕後操控?相信警方真係要查清楚先得。


囍雨想再次提醒大家,日後發現同類事件,有人煽動他人去自殘同殺害政府人員,必須立即報警。如果大家都肯主動做多少少,除咗就可以救到人,更可以阻止更多悲劇發生。除此之外,大家仲要主動去關心、了解身邊朋友、親人,同佢哋傾多啲,睇吓有無情緒低落問題,會唔會有人喺幕後煽動佢哋做違法嘢。一旦發現有咩唔妥,有需要可以搵專業人員求助,咁樣先係為佢哋好嘅做法。


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

24
好正
8
心心眼
4
好好笑
4
令人傷心
7
嬲爆

評論

  • acp4711@yahoo.com.hk
    acp4711@yahoo.com.hk
    1月前
    0 回應
    good
    • 龙一吟
      龙一吟
      1月前
      1 回應
      煽動罪一定要加重刑罰,『打藤』一定有阻嚇作用,打到屎忽開花便入醫治療,好番再打,直至完成,任何人都怕!
      • +85298****49
        +85298****49
        1月前
        0 回應
        Excellent

        沒有更多評論

        沒有更多評論