藍韜文,你醒醒吧!
藍韜文,你醒醒吧!

英國外相藍韜文,到底你知唔知支聯會副主席鄒幸彤因乜被拘捕㗎?囍雨喺社交網站,見到藍韜文發帖文,話近日有香港支聯會成員被捕,係顯示北京點樣利用《港區國安法》,「摧毀」香港公民社會同「扼殺」政治異見。囍雨想講,鄒幸彤之前講明,唔會應國安處要求而提交資料,仲話自己同一眾支聯會常委,知道有被捕風險,但已經有晒心理準備。既然鄒幸彤都講到明,知道做法係違反《國安法》規定,而又真係做得出,警方執法拘捕佢,到底有咩問題?咁樣叫做「打壓」?鄒幸彤依家係「知法犯法」,唔通要當睇唔到?藍韜文唔該咪玩啦!


擺明挑戰法律 豈可放過?


《國安法》絕對唔係「紙老虎」,係要切實維護家安全,保障香港和平穩定嘅重要基石。鄒幸彤身為大律師,應該比囍雨更熟悉法律條文,一定知道拒絕遵從警方國安處要求,拒絕提供資料,係有機會觸犯「沒有遵從《香港國安法第43條實施細則》通知規定提供資料罪」。加上,鄒幸彤自己都講,知道有被捕嘅風險,咁仲唔係擺明要挑戰法律?如果國安處咁都唔拘捕,點樣彰顯法治?點樣同社會交代?反中亂港分子唔係大晒,亦唔會有任何特權,只要係涉嫌違法,警方一樣要做嘢。


有前車可鑑 必須嚴正執法


藍韜文依家發貼文,到底有咩目的?係咪想港府「放生」鄒幸彤等人?藍韜文自己都係律師,可唔可講下法理、基本邏輯?好簡單,如果件事係喺英國本土發生,有人擺明違反當地《國安法》嘅相關罪行,仲要擺出一副「Catch me if you can」(你有本事就嚟拉我)咁嘅態度,英國執唔執法?答案唔洗講,英國一定會去拉人封艇啦。仲有啊,藍韜文唔好唔記得,點解香港會實施《港區國安法》,一切嘅根源就係當日,香港成班攬炒派政客,不斷乞求外國制裁中國政府同港府,仲要煽暴縱暴,搞到香港出現大規模暴亂浪潮。有前車可鑑,警方國安處真係有空間唔執法咩?藍韜文,唔該醒下啦!


囍雨真心覺得,藍韜文其實係擺明靠害,支聯會本身已經畀警方懷疑係「外國代國理人」,所以先引用《國安法》要求提供資料。藍韜文依啲「位高權重」嘅外國政客,公然咁幫鄒幸彤「出頭」,依家畀人嘅感覺,支聯會真係同外國勢力關係「非比尋常」。藍韜文嘅言論,係咪已經間接引證咗,警方國安處調查支聯會,個方向係絕對正確?


原圖:星島日報


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

30
好正
5
心心眼
13
好好笑
4
令人傷心
9
嬲爆

評論

  • acp4711@yahoo.com.hk
    acp4711@yahoo.com.hk
    1月前
    0 回應
    good
    • acp4711@yahoo.com.hk
      acp4711@yahoo.com.hk
      1月前
      0 回應
      good
      • 不做亡國奴
        不做亡國奴
        1月前
        0 回應
        就係似住有外國撐腰所以咁囂張,仲唔喺擺到明與外國勢力勾結,證據確鑿。

        沒有更多評論

        沒有更多評論