坐監還不忘「抗爭」?
坐監還不忘「抗爭」?

以前睇一啲監獄相關電影,戲內囚犯分黨分派,打交搞事不在話下,仲會煽動聯手挑戰懲教人員。但係原來電影入面嘅橋段,現實都可能會發生。懲教署早前收到情報,羅湖懲教所入面,有囚犯企圖糾黨結派建立勢力,結果日前突擊搜查其中6個目標囚犯,當中更包括涉及「35+初選案」被還押嘅前區議員袁嘉蔚,發現呢班人真係藏有違禁品,於是採取紀律處分。殊不知,之後有18個囚犯竟然要幫佢哋「出頭」,威脅管方取消處分,否則採取「進一步行動」。最終,署方派出「黑豹部隊」成功擺平事件,仲將嗰18個搞事者隔離調查。相信好多市民都想問,上述呢班人到底知唔知自己坐緊監?袁嘉蔚喺外面搞「抗爭」衰咗仲唔夠,而家仲要喺監倉裡面搞?


違規在先還聲大夾惡?


袁嘉蔚等人違規,被罰係理所當然,包庇佢哋、借機搞事嘅18個囚犯,簡直係無法無天。坐監本身就係懲罰,佢哋之所以身陷囹圄,只因犯咗法、不守法紀;就算只係被還押,亦都係源於涉嫌違反社會法規,所以先有今日嘅下場。坐監唔係去度假,獄中生活唔係你想點就點,入到去就梗係要學識守紀律啦,被搜出違禁品仲搞「抗爭」,呢啲係咩道理呀?


邵家臻種下的禍根


講真,今次已經唔係首次有反對派政客入到監倉後,仍然覺得自己大晒,好似住緊酒店咁。好似支聯會副主席鄒幸彤,之前還押期間就因為違規同囚友「分享郵票」,而被罰住「水飯房」3日。仲有仲有,立法會前議員邵家臻亦曾自爆,喺獄中因為「食咗人哋嘅牛肉球」而被罰。係,呢啲聽落係好小事,不過前提係你並非坐緊監囉,坐監就係坐監,監獄對囚犯可以持有嘅物品有嚴格限制,違規咪就係要罰囉,個道理好難明咩?正正係因為有邵家臻呢種人,不斷散播呢種「坐監大晒」嘅歪理,先至會令監獄都變成「抗爭地」。


監獄必然多規矩,犯規亦一定會受罰,呢個係定律嚟囉,就算係政客都無情講。如果袁嘉蔚同佢班「囚友」,甚至係邵家臻,對牢獄生活有咁多不滿,最應該做嘅係安分守己,將來唔好犯法,咁就唔洗同佢哋一樣,要喺規矩多多嘅坐倉學做人啦!


原圖:袁嘉蔚社交網站

請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

30
好正
5
心心眼
13
好好笑
5
令人傷心
11
嬲爆

評論

  • acp4711@yahoo.com.hk
    acp4711@yahoo.com.hk
    1月前
    0 回應
    good
    • +85298****49
      +85298****49
      1月前
      0 回應
      Excellent

      沒有更多評論

      沒有更多評論