污名化建屋計劃 只會害苦市民!
污名化建屋計劃 只會害苦市民!

全國政協副主席、前特首梁振英提出咗一個嶄新、破格嘅郊野公園邊陲地興建居屋計劃,普遍嚟講,廣男見到唔少人都支持呢個建議;但係同時,計劃涉及到郊野公園,甚至涉及到「好難」觸碰嘅既得利益,當然亦會有人「潑污水」!例如,廣男就睇到「本土研究社」有篇題為《【郊野殺手 再度空群而出】末日倒數:開發郊野公園》嘅文章,內文甚至以「赤裸化」、「暴力化」、「國安化」同「污名化」等負面標籤形容一啲關於「發展郊野公園邊陲」嘅輿論;廣男想問,呢個「本土研究社」,到底係為本土利益?為年輕人?定係曲線幫啲既得利益者甚至地產霸權呢?

 

房屋供應 如何解決?

 

老實講,要標籤一樣嘢,或者抹黑一樣嘢,相當容易,廣男先撇除「本土研究社」嘅「標籤」,而想問下「本土研究社」,以我所知,「本土研究社」嘅創辦人,本身都係80後嘅年輕人,點睇房屋供應問題?係咪有咩地方,俾發展郊野公園邊陲地更好?例如唔駛收地,甚至唔駛重置?更加重要嘅問題係,如果真係以「本土」出發,乜唔係應該為香港人尤其係買唔到樓嘅人著想先啱咩?廣男唔敢話諸如「本土研究社」等組織與民為敵,但其實大家有冇認真看待過梁振英提出嘅倡議?

 

事實上,當有社會人士喺2015年提出計劃、而上屆政府喺2017年正式喺《施政報告》提出有關方案後,以廣男所知,當時天文台前台長林超英,亦講過政府倡議係「重大進步」、「回應了市民的擔憂」,甚至指出喺一定條件下,喺郊野公園裡興建公屋係「有得傾」嘅;姑勿論相關社會人士之後或者最近嘅立場如何,大家起碼會見到呢個計劃當時亦得到部分關注環保嘅人士支持。廣男就認為,如果因為計劃係某人提出所以要反對,或者因為計劃觸碰到既得利益者就「唔去諗」,咁大家亦唔好諗住可以解決到房屋問題!因為每當有好建議,倡議者以至方案都俾人「人格謀殺」,咁中央講到明要處理嘅住房問題,肯定會持續甚至惡化落去!

 

應仿效上屆政府

 

依家嘅社會現實,就係排公屋嘅市民難「上樓」,想買樓嘅人難「上車」,去抹黑任何建屋計劃,「成本」非常低,甚至可以話係「零成本」,只不過對於想要安居樂業嘅市民及年輕人嚟講,根本係無幫助!廣男身邊,有朋友上唔到車,有朋友結咗婚但要住劏房,甚至要各自返父母屋企住宿,如果有人話俾廣男聽,連生態價值低嘅郊野公園邊陲地都唔用得,廣男只能夠講句,盲目反對嘅人,對得住極有住房需要嘅港人,尤其係基層市民咩?


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

40
好正
13
心心眼
6
好好笑
5
令人傷心
6
嬲爆

評論

  • shuyicai58@gmail.com
    shuyicai58@gmail.com
    11月前
    0 回應
    显示广告板表明枪口对准有点懵了男青年王志伟的太阳穴开了一枪即刻魂归黄泉。
    • +85291****08
      +85291****08
      1年前
      0 回應
      Good
      • +85291****08
        +85291****08
        1年前
        0 回應

        沒有更多評論

        沒有更多評論