公民黨已走到盡頭?
公民黨已走到盡頭?

公民黨最近嘅曝光率相當高,每隔幾日就會見到關於佢哋嘅新聞,但內容主要都係圍繞住一件事,就係又有黨員退黨!廣男睇返過去8日嘅新聞,已經先後有多名成員宣布退黨,唔計已經靜雞雞走佬去咗加拿大嘅郭榮鏗,以及被控涉嫌違反《港區國安法》嘅楊岳橋、譚文豪、李予信和郭家麒;另外仲有3個公民黨區議員退黨,包括觀塘區議員畢東尼、李軍澤,同埋噚日剛剛公布退黨嘅觀塘區議員李煒林。其實公民黨嘅成員走吓一個、走吓又一個,係咪就快「滅黨」?公民黨有無諗住檢討吓,自身出咗咩問題?


公民黨身份變成「負資產」


廣男覺得,其實以公民黨依家嘅形勢,黨內嘅區議員決定退出都好正常。畢竟政客都係諗利益、參政前途為先,如果評估過覺得留喺公民黨無著數,咁即刻咪走人囉!相信大家都記得,公民黨過去一年發生咗咩事,黨內有立法會議員被DQ、有人涉違國安法被起訴等;加埋公民黨過去勾結外國勢力嘅往績,公民黨員嘅身份隨時係從政嘅「負資產」,仲可能會惹上麻煩,退黨「保平安」自然係最合理嘅選擇。其實無論由邊個角度啲,公民黨都曾經係一個星光熠熠嘅政黨,搞成今日咁,的確有啲令人唏噓,但要怪,就只怪有啲政客玩到過嗮火!


公民黨日後如何走下去?


如今公民黨搞到呢個地步,係咪應該要諗吓之後仲點走落去?之前楊岳橋等公民黨四子,就發公開信呼籲解散公民黨,但係公民黨主席梁家傑就拒絕,仲話經過黨內磋商後決定保留公民黨。廣男就想問,即係佢哋似乎仲想玩落去,咁日後仲會唔會派人參選立法會?會唔會願意修正路線?如果公民黨肯深刻反省,坦誠向大家就之前所犯嘅過錯道歉,承諾唔會再做勾結外國勢力、損害香港利益嘅事,用行動證明信服該黨以至其成員「愛國者」,咁樣都仲有參政空間。相反,如果公民黨決定日後都唔派人參選,講真,仲要個「黨」嚟有咩用?


一切皆有因果,既然公民黨本身種下前因,自然要承擔惡果。廣男想講,就算區議員退出公民黨,唔等於可以完全撇清關係;如果佢哋仲想參選,所面對嘅問題都一樣,佢哋要先問題,有無承認過錯嘅勇氣?如果無,咁就咩都唔洗再講啦!


圖片來源:畢東尼、李軍澤及李煒林社交網頁


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

24
好正
7
心心眼
13
好好笑
1
令人傷心
5
嬲爆

評論

  • Happy21
    Happy21
    6月前
    0 回應
    :blush:
    • Happy21
      Happy21
      6月前
      0 回應
      :+1:
      • Happy21
        Happy21
        6月前
        0 回應
        Good

        沒有更多評論

        沒有更多評論