出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
落子無悔 但我要走了!
落子無悔 但我要走了!

對於去信要求美國制裁香港,郭榮鏗話「人生如棋,落子無悔,當時想清楚要做的事就做」;對於喺內委會「拉布」嘅問題,郭榮鏗就話「要DQ我的字已經寫在牆上,如果為港人爭取民主、自由、捍衛法治,是會被DQ的話,這是我郭榮鏗本人一生光榮,絕無遺憾」。爭取民主、自由?據報前立法會議員郭榮鏗已經「走佬」,去咗加拿大,反對派政客搞亂完香港就「走佬」,留低一個爛攤子,香港人真係多得佢哋唔少!

 

說不走 又走了?

 

睇返某雜誌嘅「獨家報道」,喺去年11月底,當時接受傳媒訪問稱自己「落子無悔」嘅郭榮鏗,仲話自己「暫時沒有計劃離開香港生活」,但訪問後唔夠一個星期,佢就靜靜雞一條友「走佬」,消息話佢先去英國倫敦,再轉飛加拿大;今年二月中,佢太太同兩個仔亦去咗加拿大,相信係會合佢「一家團聚」。如果呢件事屬實,即係呢頭話「暫時唔走」嘅郭榮鏗,轉頭就「飛走」,香港啲「手足」點?話知你啦!

 

對於郭榮鏗嘅問題,囍雨覺得一定要拎其他香港「手足」嚟做個比較;喺反修例運動期間,好多年輕「手足」信咗政客們所煽動嘅「違法達義」,走上街頭,繼而被捕,甚至坐埋監!相比之下,郭榮鏗之流曾經掛住「立法會議員」頭銜,有名譽、有支援,喺內委會將議事廳搞到亂七八糟,對外又勾結外國勢力,依家「出事」喇,就遠走加拿大,去到加拿大繼續做「中產」,呢啲福利,從來只有反對派政客先有,其他「馬前卒」,就只可以等坐監,套用一句電視劇對白,「公正咩?」

 

勾結外力 無好下場

 

郭榮鏗作為曾經被外國力捧嘅新一代「代理人」,可能以為只要搭上「美國列車」,從此就會扶搖直上,但囍雨正正想講,就係因為郭榮鏗等人勾結外國勢力,令自己喺政壇再無立足之地!去美國見美國官員?去信美國國會要求制裁香港?見時任副總統彭斯?俱往矣,只要勾結外力危害到國家安全,與美國關係深如黎智英,一樣「無運行」,更何況仲喺「政治BB班」嘅郭榮鏗?

 

郭榮鏗、羅冠聰以至許智峯等人,一個又一個搞亂香港後「走佬」嘅例子,反對派支持者仲信啲政客會同你哋「齊上齊落」?真係唔好天真喇,無事,你哋係「手足」;有事,反對派政客當你哋Condom(安全套)咋! 


原圖:文匯網資料圖


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

31
好正
3
心心眼
29
好好笑
2
令人傷心
6
嬲爆

評論

  • +85298****49
    +85298****49
    4天前
    0 回應
    Excellent
    • Happy21
      Happy21
      4天前
      0 回應
      Good
      • Happy21
        Happy21
        4天前
        0 回應

        沒有更多評論

        沒有更多評論