黎智英的「去向」
黎智英的「去向」

近日,關於黎智英保釋嘅問題,不論係坊間、政圈以至內地官媒都有討論過,有人認為黎智英雖然保釋但「插翼難飛」,有人認為黎智英有財有勢要「走佬」唔難,先唔講黎智英最後會唔會「走佬」而又成功,囍雨第一個諗到嘅問題,就係黎智英呢單案,其實係咪特區政府以至法庭可以處理到呢?另一個問題,就係佢近日見咁多攬炒派政客,到底又係盤算緊啲咩?


誰為黎智英發聲?


將時間軸回到十二月中,當黎智英被加控「勾結外國或者境外勢力危害國家安全」罪還押時,囍雨睇到來自美國、英國同台灣嘅政要「巨頭」都為黎智英發聲,包括:美國副總統彭斯話黎智英係「英雄」,美國國務卿蓬佩奧就赤裸裸干預香港事務,要求「立即撤控」、「立即釋放」黎智英,英國外相藍韜文就叫「結束針對」黎智英,相隔一段時間,連台灣嘅總統蔡英文都聲援黎智英,話「很佩服」黎智英。講到呢度,大家都可能會感受到,外國或者境外勢力高層政要,似乎都想介入黎智英案,特區政府以至法庭,點招架呢?而且係有無政治位置招架呢?


雖然唔少人包括攬炒派政客都話,黎智英好難「走得甩」,而近日傳媒亦報道有警車已經駐守喺黎智英家宅附近截查車輛,但大家要留意,黎智英雖然「安在家中」,亦唔可以接受訪問、發表咩言論,但其他人依然可以造訪黎智英;根據傳媒報道,近幾日攬炒派政客或者「親黎」人士包括李柱銘、陳日君、何俊仁、李永達以至林卓廷等人,都絡繹不絕「拜訪」過黎宅,佢哋係咪「聖誕聚會」?囍雨唔肯定,但黎智英如果要喺屋企向佢哋「下達指令」,相信無乜難度。


背後有驚天大陰謀?


囍雨想特別指出,如果黎智英要走或者尋求外國勢力幫忙,其實佢唔係唔需要親自打電話或者喺《生果報》寫文嘅,只要佢同任何一個拜訪佢屋企嘅政客或者「自己友」溝通好,其他人自然可以「做嘢」;雖然話黎智英係監視下「走佬」好似唔容易,但大家又諗下,當年喺日本警方監視下嘅日本某汽車集團前總裁戈恩,最後都係成功逃出日本,黎智英作為攬炒派最大「大台」、「金主」甚至「黨鞭」,我哋又點肯定依家無人為佢「鋪緊路」呢?


根據《港區國安法》第42條,「對犯罪嫌疑人、被告人,除非法官有充足理由相信其不會繼續實施危害國家安全行為的,不得准予保釋」,法庭將會再度處理黎智英保釋申請,囍雨只想講句,法庭處理緊嘅,係一個有重量級外國政要撐腰嘅疑犯,而且佢嘅勢力比依家任何一個被起訴嘅攬炒派政客都大得多,法庭面對黎智英嘅保釋申請,實在需要謹慎處理,為香港司法以至中國嘅國家安全好好把關。 


圖片來源:中通社


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

21
好正
2
心心眼
5
好好笑
2
令人傷心
9
嬲爆

評論

  • hnwong
    hnwong
    3年前
    0 回應 檢舉
    一世坐監
    • bingkwong17@gmail.com
      bingkwong17@gmail.com
      3年前
      0 回應 檢舉
      有錢人唔駛坐監?

      沒有更多評論

      沒有更多評論