出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
教協就是通識問題的證據?
教協就是通識問題的證據?

特首林鄭月娥噚日發表《施政報告》,指出「高中通識教育科的爭議在社會從未停止,未來改革方向必須糾正過去通識教育科被異化的問題」,又表示要重新讓科目成為學生建立穩固知識基礎等,學習有關國家發展、《憲法》、《基本法》及法治等元素嘅平台。凡係關於教育嘅嘢,教協當然例牌出嚟「抗議」,教育界立法會議員葉建源批評政府諉過於教師,加強力度諉過於通識科,反問政府「說法有何依據」。囍雨想反問葉建源嘅「反問」,經歷一年幾黑暴運動、教育界問題,葉建源仲要問政府有何依據?到底係佢睇唔到通識科問題,定係繼續扮睇唔到呀?


通識科的賴得鐘、戴健暉


說起通識科,囍雨覺得可以用「人」同「事」去講,先講「人」,曾經喺網上咀咒「警察死全家」嘅賴得鐘,就係一名通識科同歷史科老師,據報更曾經係考評局通識科目委員會主席;至於咒罵警察子女「早死」、「20歲前死於非命」嘅戴健暉,亦有報道指佢係一名通識科老師,更有指佢有份編寫嘅初中通識科書籍,有美化「港獨」分子之嫌,且散播仇恨。


講完「人」,就等囍雨同大家講下「事」。幾個月前,就有媒體報道元朗一間官立中學嘅通識教材,有相當篇幅嘅內容美化違法「佔中」,又以偏概全地醜化內地,甚至有播「獨」嘅教材,之後教育局表示有關材料已停用,會深入調查、嚴肅跟進。囍雨喺網上面再搵其他報道,有報道甚至指教協喺去年推出嘅「《逃犯條例》修訂爭議教材」,都被質疑係「洗腦教材」,因為內容側重於反修例或者質疑聲音。睇完以上嘅「人」同「事」,大家又要問下教協以至葉建源,通識科嘅教師以至教材,真係一啲問題都無?問心啦!


改革通識 = 思想政治科?


教協理事、通識科教師田方澤稱,若報道所指嘅其他改革方向屬實,等同政府借屍還魂重推國教科;若由教育局主動提供教材,學校使用校本教材前須經教局審批,政府應把通識科改名為「思想政治科」。如果囍雨無理解錯,田方澤講緊嘅可能包括學習有關國家發展、《憲法》、《基本法》及法治等元素,問題又嚟喇,令學生認識國家憲法、香港《基本法》等,有咩問題呢?學生可以吸收來自西方嘅知識,但關於自己國家嘅、特區嘅以及要由局方把關嘅,就係「思想政治科」?呢個又算唔算係「反中」嘅表現?


講到底,教協所維護嘅,表面上係通識科嘅批判思考、時事內容等,實則上,佢哋一如包庇「所有失德教師」一樣,所維護嘅就係被扭曲咗嘅通識科。喺度要講多次,教協係100%嘅政治組織,100%嘅攬炒派教師工會!


圖片來源:RTHK


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

6
好正
1
心心眼
6
好好笑
0
令人傷心
16
嬲爆

評論

  • +85293****26
    +85293****26
    1月前
    0 回應
    葉建源仆街,正人渣

    沒有更多評論

    沒有更多評論