出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
原來梁繼昌也是「愛國」的?
原來梁繼昌也是「愛國」的?

因為勾結外國勢力、「促進」美國制裁香港,梁繼昌等四名立法會議員被政府DQ。綜觀近期事態發展,最令囍雨覺得「神奇」嘅,唔係攬炒派議員總辭,而係有被DQ政客轉軚話自己其實係唔支持美國制裁。日前,就有傳媒專訪梁繼昌,梁繼昌表示自己「從不贊成制裁,認為制裁對改善局勢無效。過去基於『兄弟爬山』,為免刺激民眾而未提出相關觀點」;言下之意,係咪即係梁繼昌一直都企喺國家、特區嘅角度去處理制裁一事,大家都錯怪咗佢?真係辛苦晒!


激進派是「狂奔野馬」


據報,梁繼昌除咗表明自己唔贊成制裁之外,仲話自己去美國只係想知道制裁對香港有咩負面影響,希望可以避到,所以要了解制裁機制,仲話好多朋友話制裁越勁越好,要攬炒,但佢冇必要講一啲嘢去刺激群眾,話溫和派無能力干涉激進派行動,「我哋係勒唔住佢哋嘅,佢哋係狂奔野馬,我哋只可以企喺度」。一句講晒,梁繼昌唔止反對制裁,仲係同激進派割席添!


對於梁繼昌嘅講法,大家信唔信?囍雨諗到嘅問題,就係一個政客如果對制裁一早有晒立場,會唔會唔公開交代,仲要去其他國家了解制裁再返嚟參加制裁記者會?換轉係囍雨,如果係反對制裁,其實好簡單,就算去美國,最多都只係表達反對意見,而返到嚟香港,即使要開記者會,都會公開表態反對。梁繼昌隔咗咁耐、俾人DQ埋先「講呢啲」,係咪有陰謀?


洗底再參選?


表面上,梁繼昌突然出嚟做「洗底」訪問,囍雨覺得「事出必有因」。囍雨喺度諗,梁繼昌突然「洗底」,當中只有兩個原因,或者兩個原因加埋,第一,就係想先向公眾「洗底」,繼而司法覆核特首DQ佢嘅決定;第二,就係依家「洗底」先,之後再參選立法會,然後俾選舉主任問佢係咪勾結外國勢力果時,就話自己已經公開表示過自己唔贊成「制裁」,博可以「入閘」。


姑勿論梁繼昌係「真誠剖白」定係「覺今是而昨非」,囍雨都歡迎佢公開反對制裁。據報,公民黨郭家麒幾日前都表示「公民黨成員過往訪美時,曾向美方表示不要輕易制裁香港,避免經濟受到打擊」。到底用咩方法可以令呢啲政客「不再賣國賣港」?好簡單,嚴格執行《基本法》等法律,等佢哋再無空間「攞甜頭」!


圖片來源:梁繼昌Facebook


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

6
好正
2
心心眼
27
好好笑
0
令人傷心
12
嬲爆

評論

  • JJ
    JJ
    1天前
    0 回應
    笑話一則,一直唔講?
    • +85298****17
      +85298****17
      3天前
      0 回應
      唔可以心軟放過佢地
      • +85292****84
        +85292****84
        3天前
        1 回應
        叫佢食屎~牆头草

        沒有更多評論

        沒有更多評論