聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
這是自由獎 還是賣國獎?
這是自由獎 還是賣國獎?

「談情如若有獎 我該得到金獎 全年大考小考通過了 只要你頒獎 …」談情說愛,會唔會談到有獎?當然唔會啦!不過令廣男嘖嘖稱奇嘅,係做賣國賊,原來係有獎攞嘅,繼早前前香港眾志核心成員羅冠聰獲外國勢力頒獎後,今日廣男睇《生果報》,見到《生果報》老闆獲美國阿克頓學院(Acton Institute)頒發「信仰與自由獎(The Faith and Freedom Award)」,聲稱係要表揚佢喺「信仰及自由方面的努力」。喺自由方面嘅努力?努力地賣國咋!

 

黎智英的本質

 

對於外國勢力要頒咩獎俾黎智英,我哋作為「凡夫俗子」,當然影響唔到人哋點做,但關於黎智英,廣男想講黎智英所謂爭取「法治和自由」,統統都是空話!論法治,喺過去一年多啲黑暴運動,黎智英同《生果報》就係最用力嘅「幕後大台」,不斷透過報道同評論煽動人去抗爭,甚至將暴徒美化成為「衝衝子」、「火魔法師」等等,廣男想問下,有爭取法治嘅人會不斷鼓勵啲違法者嘅咩?

 

至於所謂自由,就更可笑!黎智英親美甚至自己訪美,話自己「為美國而戰」,喺美國而言,同美國企埋一邊嘅人可能就係「自由鬥士」,但喺中國以至香港而言,黎智英係賣國(雖然據報佢係「英國人」)!廣男想問下,如果黎智英喺美國,而且叫其他國家嘅人搞美國,黎智英到底仲係「自由鬥士」,定係會俾美國政府檢控,成為「出賣美國的階下囚」呢?廣男相信,一定係後者!

 

給棋子的安慰獎

 

不論外國勢力係頒獎俾黎智英或者羅冠聰,其實用處唔止係要表揚咩「自由」、「民主」,而係呢啲賣國者,都係外國勢力干預中國內政或者用嚟打擊中國嘅棋子,做得棋子,如果單純利用而無「甜頭」,邊個肯做呢?所以,外國勢力頒獎俾黎智英,歇後語就係「請你繼續搞亂中國、香港,我哋支持你」。唔好俾廣男講中,他朝如果黎智英無利用價值,佢就會成為外國勢力嘅棄卒,即係大家俗稱嘅Condom(避孕套)。

 

黎智英「得獎」,唔知對於佢涉造假抹黑拜登父子單醜聞有冇幫助,但廣男認為,黎智英出賣中國、香港,另一邊廂又涉嫌抹黑美國未來總統,可能呢個獎,係佢「最後的榮譽」都未定。 

 

圖片來源:環球網


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

10
好正
2
心心眼
10
好好笑
1
令人傷心
11
嬲爆

評論