聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
大學生的抗爭DNA
大學生的抗爭DNA

之間喺一段類似用嚟迎新嘅宣言上,中大學生會以「暴大人」自居,引發各界嘩然,竟然有大學生以「暴徒大學」嘅人自居,而且狀似非常「自豪」;另一邊廂,近日喺香港大學嘅迎新宣言,雖然港大學生會無將「暴」字放在口邊,不過從佢哋宣傳字眼,包括「生於亂世」、「積極參與社會運動」、「我們無權害怕,亦無權逃避」等,廣男理解到,所謂「無權害怕」、「參與社會運動」等,其實係咪想叫人繼續參與黑暴運動呢?大學生如果參與「社會運動」而被捕、被檢控,又仲有前途可言嗎?


4,000名學生被捕


對於唔同大學生組織嘅「抗爭」宣言,恕廣男以「結果」論之,由去年六月至今,已經有過萬人被捕,當中更有4,000名學生,佢哋當中有大學生、中學生甚至小學生,當然亦包括港大、中大等大學生;叫自己「暴大人」好,要「積極參與社會運動」也好,如果成為黑暴運動嘅被捕人士,結果會點?仲有冇前途?如果入大學係學習「抗爭」,會唔會入到好大學,反而變成壞事?


老實講,大學生們高調地宣揚「抗爭」思維,雖然唔一定已經「犯咗法」,但廣男懷疑,點解睇新聞,又唔見唔同嘅大學校方有採取啲咩措施呢?例如,中大學生以「暴大人」自居,中大校長段崇智好似完全無就問題表態過,拍迎新片時仲要營造出「歡樂輕鬆氣氛」。大學管理層唔正視問題,「無問題」,但到咗有學生因抗爭被捕「先算」,好多嘢已經補救唔到。相比之下,港大校長張翔,起碼都叫過學生表達主張必須合法。其實,言論自由係一回事,學術自由係一回事,但大學管理層、教授等要教學生做人處世,一樣咁緊要;避事、避衝突,最後結果一定係釀成更大嘅衝突,今日大學們唔正視問題,他日整個大學校園嘅歪風,肯定更加難以逆轉。


違法達義之禍


有人話今日大學風氣如此,同幾年前興起嘅違法達義歪風有密切關係,呢一點廣男絕對贊同;廣男非常質疑,違法之後,有達到「義」嗎?除咗年輕人要承擔罪責、泥足深陷、盡失前程,所謂違法達義思想,從來只係令社會氣氛變得更差,亦無嘢爭取過、進步過!


原圖:港大學生會fb


請Follow我們的YouTube頻道:

https://bit.ly/2kgU8qg

 

下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

10
好正
5
心心眼
4
好好笑
5
令人傷心
6
嬲爆

評論