聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
政治凌駕了生命
政治凌駕了生命

近日,社會有好多關於「普及社區檢測計劃」(全民檢測)嘅討論,坦白講,廣男認為社會上唔少人士講全民檢測,已經超越咗健康層面,而去到一個「反中」嘅地步;近日,曾經因為想強逼政府對內地「封關」而罷工嘅醫管局員工陣線,就聯同一班政客出嚟,呼籲市民「杯葛檢測,有出席者甚至稱政府係想將內地嘅檢測隊打造成「英雄」,係政治決定,呼籲市民杯葛。廣男真心想問,到底係邊個將計劃政治化呢?


「假陽性」問題


首先,廣男必須要講講關於「假陰性」、「假陽性」嘅問題,的確,無人可以保障到檢測唔會出現「假陰性」或者「假陽性」嘅個案,但依家有檢測方法可以確保到檢測結果100%準確嗎?特區政府推行計劃嘅目標,係盡量將隱形患者搵出嚟,阻截社區傳播鏈,每搵多一個隱形患者出嚟,社會其他人士就少一分風險,喺呢個情況底下,廣男認為行多一步,總好過乜都唔做;調番轉講,反對全民檢測嘅人,除咗等隱形患者病發,又有冇咩好建議?


值得大家留意嘅係,喺「醫管局員工陣線」嘅記者會上,除咗有「陣線」嘅主席余慧明、副主席羅卓堯等人,新界西立法會議員朱凱廸、前香港眾志秘書長黃之鋒等政客都在場,一個醫護人員「發聲」嘅記者會,咁多政客一同參與?廣男覺得,不論佢哋以咩名義出現,突然咁「高調」要人杯葛檢測,好難令人相信係單純為市民健康囉!


一場政治騷?


講開杯葛,朱凱廸眼前最「需要」杯葛嘅,唔係立法會延任一年咩?至於余慧明等人,佢哋再次出嚟,就令廣男諗起,佢哋之前罷工、曠工單嘢,好似未被醫管局處分,醫管局見到自己員工搞完罷工,依家又走出嚟抽政府後腿,就算後者「管唔到」,罷工果筆無理由唔理呀?


當「陣線」人員同一班激進政客突然「走在一齊」反對全民檢測,廣男睇到嘅,只係一場「政治凌駕生命」嘅騷,佢哋係真係為市民健康著想,定係借機又出嚟反政府,相信市民會判斷到。廣男最後想問一句,之前成日話檢測量不足嘅,唔係又係一班醫護同政客咩?到底依家個龍門喺邊? 


圖片來源:醫管局員工陣線社交網頁


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk


11
嬲爆
6
超無奈
5
無意見

評論