出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
黎智英係唔想走 定冇得走?
黎智英係唔想走 定冇得走?

喺「港區國安法」嘅強大震懾力下,攬炒派即刻變成「一盤散沙」,走嘅走,縮嘅縮,轉軚嘅轉軚;囍雨睇新聞,見到《生果報》老闆黎智英又喺度寫文章「自娛」,綜觀其行文嘅上文下理,大抵意思都係話要走嘅人就走啦,但佢就唔會走,要「抬起頭做人」云云。講真,黎智英如果唔想走,點解要三度向法庭申請保釋或更改保釋條件嚟俾佢離開香港呢?囍雨就覺得,佢似走唔到而喺度「扮偉大」多啲囉!

 

年輕人飛吧?

 

黎智英呢篇以《飛翔吧 良知的脊梁在撐著》為題嘅文章,開頭睇到人有啲「一頭霧水」,囍雨開頭諗,黎智英係咪已經唔知自己講緊乜呢?睇多兩眼,包括黎智英稱「你們還年輕,有一雙飛翔的翅膀,還等甚麼,飛吧!」、「張開你們的翅膀,飛翔吧! … 讓我們留下來的戰友 …」,囍雨估計黎智英係想叫人走,而自己就「堅決留下」。不過,囍雨唔認為黎智英係唔想走,而係走唔到啫。

 

老實講,如果黎智英唔想走,咁點解要三番四次向法庭申請改保釋條件?唔通申請改保釋條件但唔係想走咁古怪?佢呢篇文章、呢番說話,表面上係「叫人走,自己留」,但囍雨睇落去,佢係咪講緊反話都好難講!

 

外國主子要他「主持大局」?

 

值得留意嘅係,黎智英喺文章稱自己出來抗爭「極權不公不義」,未諗過只係為自己而活著,囍雨絕對唔認同佢呢個講法;在攬炒派而言,佢哋所做嘅係「抗爭」、「對抗不義」,但事實係,攬炒派包括《生果報》喺過去一年不斷縱暴、煽暴,縱容暴徒打砸搶燒、傷害無辜,講開不義,其實佢哋所做嘅係不義先啱!破壞完香港,然後話自己為咗「公義」而留低,實在諷刺!

 

有朋友同囍雨講笑話,黎智英無用不法途徑潛逃,可能係因為外國主子唔俾佢走,要佢喺香港「主持大局」;囍雨唔知呢個說法係真係假,但的確都有啲道理,所以當黎智英講「公義」、「良知」嘅時候,囍雨喺度諗,呢啲係咪晦氣話嚟㗎?


圖片來源:中通社


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

9
嬲爆
1
超無奈
1
無意見

評論