到底邊個係黑暴運動中嘅最大得益者？攬炒派政客？《生果報》黎智英？統統都錯，答案係台灣嘅總統蔡英文先啱，喺過去一年嘅黑暴運動當中，蔡英文吃盡「人血饅頭」，不斷消費香港、攻訐「一國兩制」，令自己嘅支持度提升；消費完香港一輪，蔡英文近日又表示會同香港人「站在一起」，稱行政院設專案小組對香港提出人道救援方案，陸委會將就港人居留、安置等問題設專案處理云云。蔡英文咁講，係咪即係台灣全面開放、接收暴徒？「站在一起」講真定講假先？
「真支援」定係「真吹水」
聽到呢個消息，可能會令攬炒派或者黑暴分子「好高興」，但囍雨就覺得，佢哋唔駛開心得太早，因為囍雨對蔡英文以至民進黨嘅說法，有少少保留。大家諗下，蔡英文消費咗香港嘅修例風波差唔多一年，有冇實際行動支持過香港？人氣提升咗，總統都連任埋，都未有實際動作；今次到底係真‧支援，定係真‧吹水，都係有實際措施再講啦！
有一個核心問題，囍雨覺得台灣人都要諗清楚，想聲援部分港人或者黑暴分子，係一回事，但台灣係咪要接收「大量黑暴分子」，又係另一回事喎！台灣經濟都唔係好，大學畢業生「出咗名」人工低，月薪只有二萬多元新台幣（即五千多港元），仲容許香港人過去「爭食」？如果台灣真係「接收」香港人，尤其係黑暴分子，分分鐘會令台灣職場競爭更緊張，所以有人話蔡英文稱同香港「站在一起」好可能只係「企埋一邊」，都唔係無道理。
過台灣 生活好？
至於香港嘅黑暴分子，囍雨之前已經寫過就算過到台灣，生活都未必好，想讀書分分鐘唔合資格，想做嘢嚟換取居留權，但相關門檻又唔低，結果唔少人「兩頭唔到岸」，變成「長期喺台灣嘅旅遊人士」；如果仲有唔少香港人、黑暴分子想去台灣，覺得台灣好，囍雨會「大聲叫好」，不過去到係咪真係想像中咁美好，係另一件事。樂觀去睇件事，香港就最少會少咗班滋事分子，話唔定可以還香港一片安寧。
人血饅頭，蔡英文就食到「飽飽」，民進黨嘅政府係咪真會為伸出援手幫香港人（相信主要係黑暴分子），囍雨覺得仲有疑問，畢竟，唔同地方政府多數都只會歡迎兩種人，一係有錢人，二係有特定技能嘅人，黑暴分子如果無錢，有咩特別技能？如果台灣需要啲「打砸搶燒」嘅人，咁咪Okay囉 …
請Follow我們的YouTube頻道：
下載我們的手機應用程式，收看第一手精彩內容：
瀏覽我們的IG：https://www.instagram.com/speakout_hk/?hl=zh-hk
評論