聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
《生果報》靠害忽然篤灰?
《生果報》靠害忽然篤灰?

作為盲反派喉舌嘅《生果報》,近期不停俾「自己人」鬧爆,大肆批評佢嘅報道手法,仲話會害咗「手足」(示威者)咁話,其中一單就係熱血公民立法會議員鄭松泰,突然在社交網站用粗口問候《生果報》,咁廣男就查吓咩事啦,原來事緣係星期二晚,《生果報》報道咗有十多名留守理工大學內嘅示威者,「成功」經水渠逃脫,之後星期三早上,就有3男1女,包括熱血公民副主席鄭錦滿,疑因打開理大附近渠蓋,協助水渠內2名理大示威者離開,最後被警方以涉嫌暴動、協助罪犯等拘捕。就咁睇,《生果報》立場真係有所轉變,似乎唔願意再包庇暴徒喎,廣男之後仲要發現原來仲有一單……

 

公開二百多名暴動罪疑犯身份

 

原本星期四(21日)有二百幾個涉嫌參與暴動嘅疑犯提堂,咁《生果報》實會大肆報道啦,點知廣男見到,《生果報》唔單止用極大篇幅報道呢件事,仲以足足半版報紙咁大嘅圖表,清楚列出所有疑犯嘅姓名、年紀、職業等資料,俾哂全香港人知道或估到一眾暴動疑犯嘅身份;黑暴陣營內嘅人當然嬲到震,仲有唔少人喺網上話要聲討《生果報》向手足「篤灰」(出賣)咁話喎。

 

《生果報》全心靠害?

 

廣男公道啲講句,從客觀角度嚟講,《生果報》又真係有幾重嘅「篤灰」嫌疑,好似「水渠事件」咁,有人嘗試暗中「救人」,咁就一定要保持低調㗎啦,但係《生果報》仲大肆報道,咁條逃生路線肯定會被人發現,最後仲搞到救人同逃走嘅人都一次過俾警方拉哂,佢哋真係多得《生果報》唔少,雖然《生果報》事後死撐話警方公布拉人之後佢哋先報道呢件事,不過班示威者未收貨。仲有黑暴陣營一路都好想「保護」被告手足嘅身份,就算平時被告出入法庭果陣,都會有一大班人拎住雨傘幫被告擋住傳媒鏡頭,依家《生果報》居然玩「大踢爆」,綜合兩件事嚟睇,《生果報》又好似真係有心靠害,想「玩死」班示威者咁樣喎!

 

廣男諗深一層,事出必有因,《生果報》突然轉軑,好大機會係受到老闆黎智英影響,其實佢之前佢已經寫咗篇文,叫示威者「堅守道德底線」,又暗示叫示威者唔好咁暴力,仲話希望藉住贏到今次區議會選舉,實行議會同街頭雙線抗爭咁話,但係大家都有眼見到,暴徒暴力一直都無減少到,暴徒都好似唔願意聽黎智英支「笛」咁,唔知係咪因為呢個原因,為咗報復呢班「唔聽話」嘅暴徒,《生果報》就決定「小懲大戒」呢?定係其實《生果報》諗住將暴徒用完即棄,已經決定徹底割席呢?睇嚟事件仲會發酵,大家可以買定花生睇好戲!

 

原圖:RTHK


請Follow我們的YouTube頻道:https://bit.ly/2kgU8qg

 

下載我們的手機應用程式,收看第一手精彩內容:https://www.speakout.hk/app

126
好好笑
73
搞笑咩
65
無意見

評論