《生果報》話「高危激光筆 1秒射盲眼」
《生果報》話「高危激光筆 1秒射盲眼」

噚日浸大學生會會長方仲賢喺深水埗買所謂嘅「觀星筆」,俾休班警截查,以佢身上面搵到十支「雷射槍」、以懷疑管有攻擊性武器罪名拘捕佢,事件引發示威者包圍深水埗警署,《生果報》報道就指「現場包圍警員聲討,質疑警方濫捕」;究竟所謂「觀星筆」、「雷射槍」或者「激光筆」,係咪攻擊性武器呢?不如等囍雨同大家重溫下《生果報》嘅一篇頭版報道,睇下《生果報》點講啦!


Fact Check《生果報》


為免產生誤會,囍雨決定原文照錄《生果報》喺2015年5月16日題為〈高危激光筆 1秒射盲眼〉嘅頭版報道:


「高殺傷力激光筆登陸香港!《蘋果》發現近日有人在深水埗鴨寮街及facebook(fb)兜售功率高達5,000毫瓦、足以射盲眼的激光筆,最低550元便有交易。記者買來兩支激光筆交專家測試,發現威力嚇人,激光溫度高達167℃,輕易燒穿7層黑卡紙及2毫米膠板,連魚眼及連皮五花腩肉亦輕易烤熟燒燶。眼科醫生警告,若被這類強功率激光筆直射眼睛,一秒可致盲。」


有學生被照射後送院


換句話講,如果係功率高嘅「激光筆」,如果直射眼睛,一秒可致盲,囍雨仲喺網上面搵到其他報道,就係幾年前有中學生攞教師嘅「雷射筆」玩,點知射到一位同學,令佢感到刺痛難當,眼水不斷滲出,要送院接受治療,有眼科醫生就指出,如果近距離或直望強烈嘅激光超過十秒或以上,就會對眼球構成影響,甚至可能會致盲。


一個大學生無端端買十支「激光筆」,係咪攞嚟睇星,囍雨就不評論,相信大家識得判斷;但對於「激光筆」或者「雷射槍」係咪武器,的確值得思考,尤其係當「激光筆」隨時可以射盲人嘅時候,呢個問題就更加要深思。話時話,喺近日嘅示威當中,經常見到示威者出動「激光筆」射警署甚至警員,呢啲又係咪「觀星」活動呢? 


原圖:網上圖片


34
唔係呀哇
24
驚訝
9
無意見

評論

  • Sam Law
    Sam Law
    4年前
    0 回應 檢舉
    而家重點唔係雷射筆有幾危險,唔可以射眼連小朋友都知,唔駛你複述。重點係濫捕!鉸剪夠危險呱? 好多新聞都報導過鉸剪傷人事件,咁你入書局買10把鉸剪,唔通行出黎差佬就可以話你藏有攻擊性武器囉喎!人share你又share,都唔用腦仲學人寫專欄,白痴!

    沒有更多評論

    沒有更多評論

    你可能感興趣