聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
盲反派為何不譴責日本?
盲反派為何不譴責日本?

盲反派政客郭紹傑同嚴敏華去日本示威,喺人哋神社門口燒「神主牌」,結果畀人拉咗到而家都未放番出嚟。素來反對「政治打壓」、認為示威抗議就「大晒」嘅盲反派,竟然無喊打喊殺、追住日本政府嚟鬧,甚至去聲援郭紹傑嘅盲反派人士可以話係「少之又少」。近日,算係較為有「正義感」嘅社民連梁國雄(下稱長毛)飛去日本諗住探望郭、嚴二人同埋聽審,點知就畀日本方面被拒入境。嗱,套用長毛嘅講法,日本憲法本身有保障人哋嘅旅行自由,而家日本唔畀長毛入境,盲反派做咩唔一齊行出嚟搞下集會、包圍下日本領事館同譴責日本呢?


怕了日本政府?還是放棄了郭紹傑


長毛被日本拒絕入境,盲反派基本上粒聲都唔出,但果時香港外國記者會副主席馬凱被拒續簽證同入境,盲反派政客以至記協等組織,就即刻喊打喊殺,話政府影響新聞自由云云。廣男覺得好奇怪,明明一個外國人搭台畀「港獨」份子宣傳,之後申請簽證續期被拒(特區政府無講明原因),盲反派就好似要幫啲協助「港獨」份子宣傳嘅人咁;但調番轉,香港人畀外國拒絕入境,佢哋就好似唔多理咁喎。喂,擺明政治打壓你啦,唔通佢哋係咪怕咗日本?定還是佢哋已經放棄咗郭紹傑?


廣男覺得,盲反派之所以對郭紹傑去日本示威、「燒嘢」咁冷淡嘅其中一個原因,就係佢哋覺得郭紹傑以至嚴敏華都冇乜利用價值可言;喺違法佔領期間,郭紹傑的確係保護《壹傳媒》老闆黎智英「有功」,但之後都唔見佢有乜建樹,今次仲要去美國盟友日本搞事,盲反派唔理郭紹傑,都係好正常嘅,情況如同林子健「出事」,民主黨班人包括「真兄弟」林卓廷即刻潛水一樣。而相比起林卓廷,長毛可以話係較重感情,不過佢要明白,就算係民主國家,都有權唔畀可能喺境內生事嘅人入境,而佢自己喺有關方面「戰績彪炳」,人哋唔畀佢入境,佢又真係唔怪得人。


香港更自由


講番郭紹傑,廣男覺得佢今次被捕、被檢控,同香港嘅環境太自由都有啲關係;盲反派人士以前喺中聯辦、政總門口焚燒唔同嘅示威物品,除咗燒國旗、區旗外,基本上都唔駛負上刑責;郭紹傑以為呢套去到日本一樣用得著,點知日本政府就拉人兼起訴。盲反派成日覺得民主國家最好,廣男希望今次郭紹傑事件可以令佢哋知道,香港其實已經好好、好自由,唔係佢哋又點可以成日四圍生事呢? 


原圖:RTHK

27
搞笑咩
1
超無奈
0
無意見

評論