陳健民 搬龍門!
陳健民 搬龍門!

《蘋果日報》副社長陳沛敏早前回信畀旺角暴動罪犯盧建民,更以「野豬」為喻,鼓勵正在獄中服刑的旺角暴動囚犯,稱「野豬」不被馴化,不甘羈絆,自由自主,勇猛剛強,勇於突破規限,敢於開創新潮等等。全國政協副主席、前特首梁振英質疑陳沛敏表揚暴力行為,違法佔領發起人陳健民又「加入話題」,話梁振英「盧建民的暴亂情節,如果發生在歐美,他能夠活著寫賀年卡,算是命大了」說法血腥。囍雨就覺得,陳健民根本就喺度玩轉移視線,明明討論緊旺角暴動,陳健民越講越遠,擺明就係逃避事實,完全唔敢講旺角暴動有幾暴力!


暴徒如在外國


當陳健民「條件反射式」攻訐梁振英嘅時候,大家首先要諗下,梁振英講嘅有冇道理先;如果盧建民係喺外國例如「非常文明」但不時發生警察槍殺市民或者疑犯嘅美國,佢攞石頭或者其他嘢掟警察,大家諗下會發生咩事?仲可以「完好無缺」咁喺監獄寫下信、睇下報紙?陳健民覺得梁振英說法血腥,會唔會係因為香港啲警察對佢哋呢啲疑犯太好,所以以為全世界都係疑犯、罪犯「惡晒」呀?


綜觀陳健民成篇文章嘅套路,就係不斷將唔同嘅嘢拉埋一齊嚟講嚟攻訐梁振英,但有關於旺角暴動班暴徒點樣打人,啲警察點樣畀人打甚至點樣受重傷呢,陳健民基本上係隻字不提;既然陳健民提到盧建民,大家就要問下呢個退休學者,佢點睇旺角暴動單嘢?班暴徒違反咗陳健民等人推崇嘅「公民抗命」非暴力原則,係咪要譴責先?


陳健民的子女呢?


無論講到違法佔領抑或旺角暴動,當陳健民甚至陳沛敏等人有意無意地助長違法歪風,直接間接鼓勵年輕人違法或者做「野豬」嘅時候,大家要問下呢啲政客、學者或者傳媒人,你哋有冇鼓勵屋企嘅年輕人出嚟「違法達義」呀?有叫佢哋參與違法佔領和旺角暴動嗎?如果無,又係咩原因呢?係咪人哋嘅子女要違法就要多多鼓勵,身邊人違法就要切法阻止呢?所謂己所不欲,勿施於人,當自己都唔想因為抗爭而付上刑責嘅時候,又何必去蠱惑他人呢?


原圖:RTHK

3
嬲爆
1
超無奈
1
無意見

評論