出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
借傳媒訪京團炒作 《生果報》製造「河蟹論」
借傳媒訪京團炒作 《生果報》製造「河蟹論」

日前有個傳媒高層訪京團,當中團長蕭世和見完中宣部部長黃坤明接受傳媒訪問,引述黃坤明話「在一國兩制下,要防止外部勢力把香港變成對內地進行干預破壞的基地」,同蕭較早前口頭講法有異,就畀《生果報》加鹽加醋,話香港媒體「集體跪低」,又將訪京團講成「河蟹團」,囍雨就諗,如果媒體以蕭世和嘅文字版為本更新番報道,當中有咩問題呢?如果好似《生果報》咁唔理三七廿一鬧咗人先算,又絕少更正番報道或者評論,咁呢啲媒體先至係不負責任嘛!


鄧小平早告誡 防止香港成反大陸基地


《生果報》近乎亢奮咁炒作嘅「基地論」,根本唔係咩新鮮事。其實早喺1982年開始,已故國家領導人鄧小平都時不時講過架喇,1987年,鄧小平喺接見「基本法起早委員會」成員果時,亦講到明「1997年後香港有人罵中國共產黨,罵中國,我們還是允許他罵,但是如果變成行動,要把香港變成一個在『民主』的幌子下反對大陸的基地,怎麼辦?那就非干預不行」。其實,守護香港唔畀佢變成反華或對內地進行干預破壞嘅基地,都係應有之義啫,《生果報》咁都炒作,究竟係咪更凸顯佢反華反共嘅立場?


資料錯漏百 毫不專業


另外,囍雨有個小小嘅發現,《生果報》把訪京團合照上嘅出席者逐個點名,又點錯名,將中聯辦副主任楊健寫成「港澳辦副主任」,《經濟日報》總編輯曾世明寫成係副總輯,「港人講地」社長又寫成「港人港地」總編輯;另外又數漏咗NOWTV、鳳凰電視同新城電台嘅高層,見微知著,可見佢哋真係唔夠Pro囉!可能佢哋只求搶眼球,對於事實嘅考證一向都唔太重視,想玩批鬥,唔該都要做好功課先啦,水準低即係水準低!  

 

講到底,《生果報》咁「重視」個傳媒訪京團,甚至咁「努力」從中搵新聞嚟做,好明顯係連啲上北京啲媒體都想攻訐埋啫;到底《生果報》係「反內地」反到唔想畀其他人番內地,定係因為佢疑似無獲邀請上京所以「葡萄」,囍雨就唔知喇!但而家《生果報》話人哋「集體河蟹」或者跪低,講到繪形繪聲,大家都係要問《生果報》一句,證據呢? 


原圖:《蘋果日報》截圖

7
嬲爆
8
唔係呀哇
1
無意見

評論