「一蟹不如一蟹」英文點講?
「一蟹不如一蟹」英文點講?

據報,由下個立法年度開始,「議會陣線」毛孟靜預計會成為立法會反對派召集人,呢個消息傳出,唔單止建制派議員大叫「冇眼睇」,相信連反對派中人都深深體會到「蜀中無大將」之苦。

 

反對派巨頭相繼被Out!

 

點解話反對派「蜀中無大將」呢?大家諗下,隨住近年反對派喺立法會搞事越搞越過份,唔少市民都開始對呢班人心痛惡絕嘅時候,喺前年立法會換屆選舉,佢哋較為重量級嘅頭頭人物,包括李卓人、黃毓民、陳偉業(想捧新人都係敗選)、何秀蘭以至馮檢基等人被Out了,名符其實就係前任特首梁振英所講嘅「Vote Them Out」嘅「Out」。加上梁家傑、劉慧卿、何俊仁等資深政客「退休」唔玩,剩低嘅反對派好明顯就係唔夠班,連同長毛梁國雄等六個「大將」都因為宣誓玩嘢被DQ,反對派班人喺立法會隊形削晒,由甲組波跌落丙組咁。

 

反對派無力 立會更和諧

 

其實舊年IT界立法會議員莫乃光成為反對派召集人,大家都已經搖晒頭,覺得反對派唔係冇人冇到呢個地步呀,一個連創科局議案都幫唔到業界手嘅人,都可以做反對派陣營召集人?如今將會換上毛孟靜做召集人,點算呢?反對派係咪「越嚟越無貨」?


不過,諗深一層,由毛孟靜做反對派召集人都okay嘅,就係可以預見得到,喺未來一段日子,行政立法關係一定和諧。點解?因為呢班反對派能力欠奉、論述不足,想反對、搞事都未必「有心有力」啦!

 

毛孟靜不時喺社交媒體教人英文,囍雨又好想喺度請教下毛老師,唔知「一蟹不如一蟹」,英文應該點講呢?

 

原圖:Takungpao

評論