區諾軒燒基本法 但又尊重基本法
區諾軒燒基本法 但又尊重基本法

3月11日就係立法會補選投票日,不同媒體都分別搞唔同形式嘅選舉論壇,畀啲候選人闡述下施政理念之餘,順便畀市民睇下邊人個「好揪啲」;喺選舉論壇揭人瘡疤,基本上係「常識」嚟架喇,但代表盲反派參選港島區補選嘅區諾軒,就真係「樣衰咗啲」喇!事關佢同幾個候選人噚日一齊出席電視論壇,畀對手陳家佩踢爆佢原來曾經焚燒《基本法》,佢開頭仲想唔認,之後不認不認還須認,仲話自己燒《基本法》唔代表唔尊重,呢啲「神邏輯」,真係聽到人O晒咀!


從政者誠信最重要


其實作為盲反派一員,啲青年政客做過啲過激行為,又唔係話真係好出奇嘅,但區諾軒開頭「敢做唔敢認」,咁又樣衰啲喇!據報佢畀人踢爆曾經焚燒《基本法》之後,明明相中人係自己,佢開頭竟然兩度否認係相中人,搞到連另一候選人任亮憲都勸佢,同佢講從政者誠信好緊要。其實證據確鑿,區諾軒仲想唔認,係咪想呃全香港嘅市民先?


「燒唔代表唔尊重」?


之後,雖然區諾軒承認曾經焚燒過《基本法》,但就強調燒《基本法》唔代表唔尊重《基本法》,呢種「神邏輯」真係聽到囍雨「嘆為觀止」。大家記得經典電影《監獄風雲》的經典對白:「阿SIR,我大聲唔代表冇禮貌!」嗎?嗰個場景咪同區諾軒一樣囉!區諾軒呢啲講法,根本就同盲反派新一代一脈相承,總之有乜都係人哋錯、自己就永遠冇錯!


作為從政者,誠信真係好緊要,區諾軒敢做唔敢認,不斷「喺度兜」,除咗誠信破產外,其實亦引伸出另一個問題,就係諸如區諾軒呢啲盲反派政客,可以喺公眾場合焚燒《基本法》,點可能真心擁護《基本法》呀?唔通今次選舉主任「漏招」?不過咁,區諾軒為咗保住參選資格,當然唔會話自己唔擁護《基本法》啦,但聽其言、觀其行,都係「相當有可疑」!


立法會補選港島區候選人還包括伍迪希。 


原圖:RTHK

評論