早排特首梁振英被指要求香港渣打銀行抽起《蘋果日報》既廣告，渣打方面因為唔肯就範，結果令到雙方關係唔好，梁振英為咗落渣打面，決定缺席嚟緊星期日既渣打馬拉松咁話。

《港人講地》收到讀者報料，話喺今日一個酒會上見到梁振英同渣打行政總裁洪丕正咬耳仔，雙方細聲講、大聲笑，全程笑到見牙唔見眼，一啲都唔覺得雙方有芥蒂咁話。唔通某份為反而反既報章真係又再老作新聞，是旦作個故仔誣陷梁振英？