「天王」劉德華的演唱會可謂一波三折，繼早前發展購票時有排隊黨傷人風波後，昨晚演唱會開場不久，當唱至第三首曲目「如果有一天」時，劉德華突然停下向觀眾表示，自己因為喉嚨發炎「失聲」實在無法唱下去，需要腰斬演唱會，期間更一度落淚：「醫生建議我唔好唱，但我真係唔捨得。我唔想大家聽我呢把聲聽成個concert，但我冇辦法，所以我唱埋呢隻歌，要停止喇！善後嘅工作我會慢慢交代返，希望我盡最大努力唱完呢隻歌，亦都希望你哋陪我一齊唱。要同大家道歉，多謝你哋，你哋要俾多次掌聲你哋自己！」眾「粉絲」同聲高呼安慰偶像： 「華仔唔好喊！」。

主辦機構今日則發表聲明，除了昨日一場外，會同時取消今日及明日共三場演唱會，並希望劉德華休息後能繼續演出。主辦機構呼籲已購票者保留演唱會完整門票，將盡快公佈有關後續安排及退票事宜。

原圖：滾動工作室